Таатта улууһун Харбалааҕар 120 төбөҕө анаммыт, аһатар сыахтаах саҥа хотону туттулар. Саҥа хотон “Хочо” кэпэрэтиипкэ тыа хаһаайыстыбаты сайыннарыы бырагырааматынан тутуллубут.
“Хочо” кэпэрэтиип – эти-үүтү оҥорон таһаарар анал хаһаайыстыбаларга усулуобуйаны оҥорор бырагыраама резиденэ. Хаһаайыстыба 336 сүөһүлээх, ол иһигэр 131 ыанар ынахтаах уонна 126 сылгылаах.
Бу саҥа комплекс толору мэхэнисээссийэлээх. Ынаҕы ыыр, уулатар, саахтарын таһаарар, о.д.а. анал тэриллэрдээх. Үлэһиттэргэ олус үчүгэй усулуобуйалаах, сынньанар хостордоох.
Эбийиэк тутуллубут сыаната – 34,6 мөлүйүөн солкуобай. Кэпэрэтиип «Развитие сельского хозяйства и регулирование рынков сельскохозяйственной продукции, сырья и продовольствия на 2020–2024 годы» бырагыраамаҕа кыттан, бу хотону туттарар кыахтанна. Бу бырагырааманан ороскуот 98,5%-нын РФ тыа хаһаайыстыбатыгар министиэристибэтэ уйунар.
— Бүгүҥүҥ күҥҥэ тыа хаһаайыстыбатыгар аныгы комплекстары тутуу уонна саҥардыы биир приоритетнай хайысха буолар. 2011 сылтан өрөспүүбүлүкэҕэ 80-тан тахса комплекс тутулунна. Сүрүн саылбыт – тыа хаһаайыстыбатыгар үлэ усулуобуйатын тупсарыы уонна дохуоту ылалларыгар көмөлөһүү, тыа сиригэр дьарыктаах буолууну хааччыйыы буолар, — диэн тыа хаһаайыстыбатын миниистиирин солбуйааччы Николай Афанасьев кэпсээтэ.
Маны тэҥэ, Сунтаартан “Ил Тосхол” кэпэрэтиип уонна Кэбээйиттэн «Ворошилов» хаһаайыстыба РФ тыа хаһаайыстыбатыгар министиэристибэтин үбүлээһинин ылыахтара. Федеральнай үбүлээһин уопсай суумата 20,1 мөлүйүөн солкуобайга тэҥнэһиэ.
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…