«Таатта лиидэрдэрэ 1.0» бырайыак үлэлиир

Бу күннэргэ Таатта улууһун Ытык Күөлүгэр социальнай бырайыактааһын тренинэ буолан ааста.

Тэрээһин «Активные граждане – ресурс развития Таттинского улуса» Ил Дархан Гранын кыайыылаах бырайыагын чэрчитинэн ыытылынна диэн Таатта улууһун ресурснай киинэ иһитиннэрэр.

Үөрэххэ киин бибилэтиэкэ, оҕо бибилэтиэкэтин, инбэлииттэр уопсастыбаларын чилиэннэрэ, нэһилиэк үөрэҕин уонна култууратын тэрилтэлэрин үлэһиттэрэ кыттыыны ыллылар.

Ресурснай киин методистара улууска коммерческайа суох сектор туругун туһунан кэпсээтилэр, ону тэҥэ өрөспүүбүлүкэ Биир кэлим ресурснай киинэ социальнай бырайыактааһыҥҥа оҥорбут «10 шагов» оонньуутун үөрэх быһыытынан ыыттылар. Кыттааччылар социальнай бырайыактааһын ымпыгын-чымпыгын биллилэр уонна бэйэлэрин бырайыактарын суруйарга бэлэм буоллулар.

Ону таһынан тренинг чэрчитинэн граннар куонкурустарыгар сайаапка биэрэргэ оҥоһуллар алҕастары, НКО диэн тугун, билигин ханнык куонкурустарга сайаапкалары ылыы бара турарын биллилэр.