Хаартысканы Яна Байгожаева ыытта
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан интэриэһинэй экскурсия тэрилиннэ.
Оҥорон таһаарыыны кытта билсиһии ньиэп баазатыттан саҕаланна. Үөрэнээччилэр бырамыысыланнас бу салаатын иһиттэн көрөр кыахтаннылар уонна интэриэһиргиир ыйытыыларыгар салалтаттан хоруйдары туттулар.
Оҕолору кытта Аллараа Бэстээхтээҕи ньиэп баазатын сүрүн инженера Павел Егоров уонна табаарга дириэктэри солбуйааччы Николай Кириллин кэпсэттилэр. Эдэр дьон исписэлиистэртэн үлэ усулуобуйаларын, хамнас кээмэйин сурастылар. Итиэннэ ньиэп уонна гаас комплексын эйгэтигэр идэни талыы, «Саханефтегазсбыт» тэрилтэҕэ үлэҕэ киирии туһунан ыйытыыларга болҕомтолорун уурдулар.
Профориентационнай үлэҕэ тиһиктээх үлэни ыытыы бу хампаанньа биир инникигэ тутар соругунан буолар. Атырдьах ыйыгар СӨ Идэтийэн бэлэмнэниигэ киинин (ЦОПП) кытта сөбүлэҥҥэ илии баттаспыттара, үөрэнээччилэр уонна устудьуоннар ньиэп уонна гаас эйгэтин кытта билсэллэригэр кыахтары арыйыаҕа.
Яна Байгожаева, «Саханефтегазсбыт» пресс-сэкирэтээрэ
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…