Таатта маастара «SakhaBoho» истиил Гран-при хаһаайката буолла
27.05.2024, 09:30
Хаартыска: Майя Гоголева, СИА
Бөлөххө киир:
Дьокуускайга ыам ыйын 26 күнүгэр «Куруһаала» атыы-эргиэн киинигэр дизайнер, Саха сиригэр саха бохо истиили, «SakhaBoho» бренды төрүттээччи Анжелика Кириллина айар үлэтин 10 сылыгар аналлаах бохо истиилинэн саха таҥаһын тигиигэ өрөспүүбүлүкэтээҕи куонкурус буолан ааста.
Куонкуруска араас услуутартан 15 модельер кыттыыны ылла. «Бохо истиил — сахалыы таҥаска саҥа хайысха. 2013 сыллаахха баар буолбута. Бу сылга мин бастакы кэлиэксийэбин таһаарбытым. Үгүс айар кэлэктииптэр билигин бу истиилинэн тигэллэр. Куонкуруска араас улуустартан кытыннылар, холобур, Тааттаттан, Горнайтан, Ньурбаттан, Амматтан уонна да атын улуустартан тиийэ кэлбиттэр», — диэн Анжелика Кириллина кэпсээтэ.
Дизайнер иһитиннэрбитинэн, куонкурус Гран-при кыайыылааҕа уонна номинациялар кыайыылаахтара «Мозг. Традиция. Мечта» документальнай киинэҕэ кыттыахтара. Хартыына режиссера — Мила Кудряшова, сценарист — Дария Ермолаева, оператор – Иван Семенов.
Гран-при хаһаайкатынан Таатта улууһуттан маастар Вера Аянитова буолла. Ону таһынан биэс номинацияҕа 3-түү кыайыылааҕы быһаардылар: «Профессионал», «Творец любитель», «Наше будущее — школьник», «Наше будущее — студент» уонна «Лучший коллектив».
Сообщить об опечатке
Текст, который будет отправлен нашим редакторам: