Хаартыска: https://sakha.gov.ru ылылынна
Тааттаҕа XXII «Манчаары оонньуулара» буолара ахсааннаах күн хаалла. Бу далааһыннаах тэрээһиҥҥэ бэлэмнэнии хайдаҕын дьүүллэстилэр.
Тэрээһин от ыйын 7-12 күннэригэр ыытыллар.
—Манчаары оонньууларыгар диэри ахсааннаах күн хаалла. Бары сүрүн былаһааккаларга сырыттыбыт. Успуорт тэрилтэлэригэр, спортсменнар түһэр сирдэригэр, уо.д.а. Сүрүннээн бэлэм буолбуттар. Улуус, улуустааҕы хамыыһыйа, өрөспүүбүлүкэтээҕи тэрийэр кэмитиэт өттүттэн улахан үлэ оҥоһулунна. Кыра бэлиэтээһиннэри туоратар уонна эбии үлэлэри оҥорор ирдэнэр, — диэн этэр СӨ Бырабыыталыстыбатын Бэрэссэдээтэлин солбуйааччы Сергей Местников.
Дьүүллэһии түмүгүнэн кини тэрээһини ыытарга уокка-күөскэ, тыаска-ууска, тэрээһин аһыллыытыгар уонна сабыллыытыгар быһа көрдөрүүнү тэрийэргэ, күрэхтэһиигэ, ат сүүрдүүтүгэр ипподрому бэлэмнээһиҥҥэ улахан болҕомтону уурарга соруйда.
Иһитиннэриллибитинэн, тэрээһиҥҥэ уопсайа 7 тыһ. кэриҥэ киһи кыттыыны ылар. Ол иһигэр успуорт уонна култуура тэрээһиннэрин кыттыылаахтара, судьуйалар, волонтердар, успуорт бэтэрээннэрэ, бочуоттаах ыалдьыттар, тэрийээччилэр, олохтоох дириэксийэ уо.д.а. Түһүлгэҕэ 1662 спортсмены күүтэллэр.
Күрэхтэһиилэр Ытык Күөлгэ 1000 миэстэлээх «Ньургун Боотур» стадиоҥҥа, А.Е.Турнин аатынан элбэх хайыхалаах чэбдигирдэр-спортивнай комплекска, 1500 киһи олорор сирдээх «Саһыл Уйалаах» ипподромҥа, култуура уонна сынньалаҥ пааркатыгар ыытыллаллар.
Ыалдьыттар түһэллэригэр 19 эбийиэк, 13 аһыыр сир бэлэмнэниллибит.
Спартакиадаҕа успуорт 11 көрүҥэр күрэхтэһиэхтэрэ. Ол курдук, хапсаҕайга, мас-рестлиҥҥэ, чэпчэки атлетикаҕа, остуол оонньууларыгар, буулдьанан ытыыга, ох саанан ытыыга, ат сүүрдүүтүгэр, уо.д.а.
Сиһилии: https://www.sakha.gov.ru/news/7566
СӨ Ил Дарханын уонна Бырабыыталыстыбатын пресс-сулууспата
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…