ВИДЕО: Таатта олохтоохторун көмөлөрө, биир сомоҕо буолууну көрдөрөр

Бэҕэһээ, Таатта улуһуттан  байыаннай дьайыыга кытта сылдьар биһиги буойуннарбытыгар анаммыт көмө Дьокуускай куоракка волонтер Светлана уонна Владислав Диодоровтарга-Лаврентьевтарга  тиксэрилиннэ.

Таатта улууһун нэһилиэктэриттэн икки массыынанан барыта 88 дьааһык араас эти-аһы, арыыны, собону, барыанньаны уонна бастакы туттар малы аҕаллылар.

Бу күүс-көмө Таатта олохтоохторун үтүө сүрэҕин, биир сомоҕо буолууларын көрдөрөр. Амарах сүрэхтээх, талыы-талба Таатта дьоно, ытык дойдуларын көмүскүүр буойуттарга күүс-көмө буолабыт диэн санааттан көмө хомуйан ыыттылар. Салгыы бу көмө Москва, Санкт-Петербург, о.д.а. госпиталларга тиэрдиллиэхтэрэ.

Бу курдук тэрээһиннэр биһиги дьоммут биир сомоҕо буолууларын күүһүрдэр, ыарахан кэмҥэ бэйэ-бэйэни өйөһүүнү көҕүлүүр. Маннык өйөбүл л байыаннай дьайыыга кытта сылдьар дьоммутугар олус улахан тирэҕинэн буолар. Тыа сирин үлэни өрө туппут үтүө санаалаах дьонун көмөтө байыастарбытыгар олус суолталаах.