Таатта оройуонугар «Халыма» трасса учаастагар сырыы аһылынна

Ыам ыйын 29 күнүттэн Таатта оройуонугар «Халыма» трасса учаастагар — Ытык Күөл уонна Мэҥэ Алдан сэлиэнньэлэрин икки ардыгар тырааныспар бары көрүҥэр сырыы аһылынна диэн «Бүлүү» федеральнай суол управлениета иһитиннэрэр.

Бу иннинэ дьон олоҕор куттал суоһаабатын уонна Кыйы, Чөркөөх, Боробул, Ытык Күөл нэһилиэнньэлээх пууннарыгар гидротехническэй тутуулар алдьамматтарын туһуттан Таатта үрэх уутун ыытаары, «Халыма» суолун 294+500 учаастагар суол болотунатын ыспыттара.