Хаартыска: Саха сиринээҕи Силиэстийэлиир кэмитиэтин пресс-сулууспата
Чурапчытааҕы силиэстийэлиир отдела хомуйбут дакаастабылынан Таатта улууһун уопсай үөрэхтээһинин дириэктэрин буруйдааҕынан быһаарарга сөптөөх бириигэбэр ылылынна.
Кини Холуобунай Кодексынан харчы ылаары официальнай докумуоннары уларытан туттарбытын иһин буруйдааҕынан ааҕылынна. Бу туһунан Саха сиринээҕи Силиэстийэлиир кэмитиэтин пресс-сулууспата суруйар.
Силиэдэбэтэл уонна суут быһаарыытынан, 2022 сылтан 2023 сылга диэри буруйданааччы тыа оскуолатын дириэктэринэн үлэлии сылдьан, оройуоннааҕы дьаһалтаттан көҥүл ылбакка информатика учууталын дуоһунаһыгар бэйэтин аныыр туһунан бирикээс таһаарыммыт.
Ыйыллыбыт кэмҥэ кини 7-11 кылаас оҕолоругар информатика учууталын быһыытынан үлэлээбитин туһунан ситэтэ суох сибидиэнньэлэри киллэрбит. Онуоха ыйыллыбыт докумуоннарга 191 үлэ күнүн оннугар чахчытыгар педагог эбээһинэһин 81 күн эрэ толорбут.
Сууттанааччы быраабы утары дьайыыларын түмүгэр быстах кэмҥэ сымыйанан үлэлээбэт күннэригэр хамнас аахсыбыт, ол түмүгэр муниципальнай тэриллии бүддьүөтүгэр хоромньу таһаарбыт.
Силиэдэбэтэл бириигэбэригэр олоҕуран, суут ыстараап олохтоото. Силиэстийэ кэмигэр эр киһи баҕа өттүнэн хоромньуну сууматын толору төлөөбүт. Холуобунай дьыала Таатта оройуонун борокуратууратын ыыппыт бэрэбиэркэтин матырыйаалларынан тэриллибит.
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…