Хаартыска: СИА
Саха сирин вице-премьерэ Анатолий Семенов Таатта улууһун И.Н. Гуляев аатынан Туора Күөл орто оскуолатын 100 сыллаах үбүлүөйүнэн эҕэрдэлээтэ.
Кини Бырабыыталыстыба аатыттан саҥа оптуобус атыылаһарга сэртипикээт туттарда. Бу туһунан Ил Дархан уонна Бырабыыталыстыба пресс-сулууспата суруйар.
Кини этэринэн, Туора Күөл орто оскуолатын үбүлүөйэ олохтоох уопсастыбаҕа эрэ буолбакка, бүтүн өрөспүүбүлүкэҕэ улахан суолталаах түгэнинэн буолар. Бу үөрэх кыһата үүнэр көлүөнэни иитиигэ, төрүт үгэстэри оннунан хаалларыыга уонна өрөспүүбүлүкэ сайдыытыгар сүҥкэн суолталаах.
«Туора Күөл оскуолата — улуус биир кырдьаҕас оскуолата. Устуоруйата олус киэҥ уонна баай. Салалта уонна педагогическай кэлэктиип күүһүнэн үөрэх хаачыстыбата тупсар», — диэн Анатолий Семенов бэлиэтээтэ.
Тэрээһин кэмигэр вице-премьер судаарыстыбаннай наҕараадалары уонна махтал суруктары туттарда.
«Билиҥҥи оскуола үөрэнээччилэрэ өрөспүүбүлүкэ уонна дойду сайдыытыгар бэйэлэрин кылааттарын киллэриэхтэрэ диэн эрэнэбин. Кэлэктиипкэ саҥа айымньылаах ситиһиилэри, күүһү-уоҕу баҕарабын», — диэн бэлиэтээтэ Анатолий Семенов.
Билигин оскуолаҕа 103 үөрэнэр. Оскуола айар эйгэҕэ, успуорка уонна научнай-чинчийэр үлэҕэ ситиһиилээхтик кыттар. Патриотическай иитиигэ ураты болҕомто ууруллар. Оскуола бэйэтин выпускнигынан — Арассыыйа Дьоруойа Родимир Максимовынан-Бурхаатынан киэн туттар.
Бэҕэһээ, алтынньы 31 күнүгэр, уһулуччулаах композитор Петр Чайковскай төрөөбүтэ 185 сылынан ыытыллыбыт “Чайковский-фест. Якутск” бэстибээл…
Мииринэй улууһун полициятын дьуһуурунай чааһыгар олохтоох дьахтар түөкүннээһин туһунан сайабылыанньа суруйбут. Материальнай хоромньу 10 000…
Кэлиҥҥи кэмҥэ күрэс төрүт көрүҥнэрэ сайдан иһэллэрэ харахха быраҕыллар буолла. Онуоха, өрөспүүбүлүкэбит салайааччыларын сабыдыаллара сүҥкэн.…
“ТехДни 3.0: вектор инноваций” үөрэтэр интенсив “Школа21” бырагыраамаҕа үөрэтии оскуолатыгар сэтинньи 13 күнүгэр ыытыллыаҕа. Онно…
Норуот сомоҕолоһуутун күнүн чэрчитинэн бүгүн Дьокуускайга “Эйэ туһугар норуоттар сомоҕолоһуулара” Ыччат пуорума саҕаланар, диэн Тас…
СӨ борокуратууратын сорудаҕынан, Уус-Алдан улууһун борокуратуурата элбэх оҕолоох ыаллар өйөбүл миэрэлэрин ылар бырааптара тутуһуллуутун бэрэбиэркэлээтэ.…