Таатта саҥа поликлиникатыгар 600 тыһыынчаттан тахса чинчийиини оҥордулар

Таатта саҥа поликлиникатыгар ыарыыны быһаарар 600-тэн тахса тыһыынча  чинчийии оҥоһулунна.

Чопчулаан эттэххэ, 20 тыһыынчаттан тахса – сардаҥа,  10 тыһыынчаттан тахса —  ультразвуковой, 533 тыһыынча —  лабораторнай, 600 —  эндоскопическай уонна 68 тыһыынча функциональнай чинчийии. Ону таһынан эмтэнээччилэр  3300-тэн тахса физиотерапия процедуратын аастылар.

Маннык элбэх чинчийии миэстэтигэр ыытыллар буолан, олохтоохтор  атын сиргэ бара сатаабат буоллулар. Ону таһынан,  чинчийии арааһа эмиэ элбээтэ. Онон, таатталар саҥа поликлиникаларын кыаҕыттан олус үөрэллэр.

2023 сыллаахха  РФ бэрэсидьиэнэ Владимир Путин Таатта саҥа поликлиникатын аһыллыытыгар онлайн кыттыбыта. 

(СӨ Доруобуйа харыстабылын министиэристибэтин чахчытынан)