Сыл саҕаланыаҕыттан ГАИ үлэһиттэрэ анал көҥүлэ суох дьону таһыыга 373 буруйу оҥоруу тахсыбытын бэлиэтээбиттэрэ. Хаартыскаҕа Андрей Сорокин түһэриитэ, СИА
Таатта улууһугар мууһунан айан сырыыта көҥүллэнэ илигинэ пассажирдары сокуоннайа суох тиэйбит суоппарга холуобунай дьыала тэрилиннэ.
Таатта улууһун борокуратуурата Саха сиринээҕи силиэстийэлиир кэмитиэт Чурапчытааҕы силиэстийэлиир отдела олохтоох киһиэхэ РФ Холуобунай кодексатын 238 ыстатыйатын 1 чааһынан (айанньыт олоҕун уонна доруобуйатын куттала суох буолуутун хааччыйар ирдэбиллэргэ эппиэттээбэт өҥөлөрү оҥоруу) тэрийбит холуобунай дьыалатын сокуоннайынан быһаарда.
Холуобунай дьыаланы тэрийии төрүөтүнэн, 2024 сыл сэтинньи 12 күнүгэр суоппар, барыһы ылар сыалтан, Өлүөнэ өрүһү мууһунан туорааһын айанныырга кутталлааҕын билэ-билэ, «Toyota Voxy» массыынатынан 4 пассажиры Дьокуускай – Ытык Күөл хайысханан илдьибитэ буолла.
Массыынаны 2024 сыл ахсынньы 12 күнүгэр киэһэ 21 ч. 04 мүн. Ытык Күөл нэһилиэгэр киирэр аартыкка Таатта улууһун борокуратуурата кыттыылаах ГАИ үлэһиттэрэ туттулар.
Билигин бу холуобунай дьыаланан силиэстийэлиир дьаһаллар ыытыллаллар. Силиэстийэ хаамыытын Борокуратуура хонтуруоллуур.
Бу буруйу оҥорбутун иһин, суоппар икки сылга диэри болдьоххо көҥүлэ быһыллыан сөп.
Бу иннинэ «Таатта» такси сулууспата Ытык Күөл – Дьокуускай уонна төттөрү, пассажирдары уонна таһаҕаһы тиэйбитинэн сибээстээн, 2024 с. сэтинньи 12 күнүгэр «Халыма» федеральнай айан суолугар суоппардары бэрэбиэркэлээһин саҕаланна диэн иһитиннэрбиттэрэ
Бүгүн, сэтинньи 15 күнүгэр, Саха сирин сорох улуустарыгар 43 кыраадыска тиийэ тымныйыаҕа. Бу туһунан УГМС…
Дьокуускай куорат ДСК оройуонун олохтоохторо оптуобус маршруттара уларыйбытыттан айманаллар. Айманаллара да оруннаах. Олохсуйбут маршруттар кыстыгы…
Билигин кыбартыыраҕа, массыынаҕа, сир учаастагар түһээн төлөбүрэ кэлбитинэн, түөкүттэр саҥа схеманы толкуйдаабыттар. “Госуслугаҕа” тус кэбиниэккэр…
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар. Бу тэрээһин олохтоох…
Таҥас кэллэ да ким иллэҥнээҕинэн муста түһээт, тикпитинэн бараллар. [gallery ids="167582,167583,167584,167585,167586,167587,167588,167590,167591"] Байыаннай дьайыыга сылдьар буойуннарга…
ТХНЧИ научнай үлэһитэ, биология наукатын кандидата Терентий Платонов: “Убаһа этигэр киһиэхэ сыстар паразит суох буоллаҕына,…