Любовь Ефимова хаартыскаҕа түһэриилэрэ
Таатта улууһун Дьүлэй нэһилиэгэр олохтоох нэһилиэнньэ көҕүлээһинин өйүүр бырагыраама чэрчитинэн үгүс үлэ ыытылынна.
Бэлиэтээн суруйдахха, маннык бырагыраама өрөспүүбүлүкэҕэ 2017 сылтан үлэлиэҕиттэн араас хайысхалаах бырайыактар оҥоһуллан үлэҕэ киирдилэр. Бу туһунан нэһилиэк баһылыгын солбуйааччы Любовь Васильевна Ефимова санаатын үллэһиннэ:
— Олохтоохтор көҕүлээһиннэрин өйүүр бырагырааманан өрөспүүбүлүкэҕэ сыллата балачча үп көрүллэр. Билигин нэһилиэнньэ уонна дьаһалта субсидия уопсай сууматыттан 5-15%, нэһилиэнньэ 3-5%, успуонсардар 10%, үлэнэн кыттыы 10%, бүддьүөт таһынан үлэнэн кыттыы 10% диэри кыттыһаллар. 500-1000 нэһилиэнньэлээх сирдэргэ субсидия суумата 2 мөл. солк. тэҥнэһэр.
Биһиги нэһилиэкпит олохтоох нэһилиэнньэ көҕүлээһинин өйүүр бырагыраамаҕа 2018 сылтан кыттар. Ол курдук, ити сыл биһиги нэһилиэкпит сынньалаҥ зонатын үлэҕэ киллэрбитэ. 2019 сыллаахха Мэмэн Түөрэ диэн түөлбэҕэ чааһынай ыалларга киин ититэр ситими киллэриигэ матырыйаал ылыытыгар ылсыбыппыт, 2021 сыллаахха бу бырагыраама көмөтүнэн Кыайыы искибиэрин киин уулуссабытыгар оҥорбуппут. 2022 с. кылаабыһалары күрүөлээбиппит. 2023 сылга «Үтүө дьыала» чэрчитинэн уонна норуот күүһүнэн 2000 сыллаахха тутуллубут култуура уонна успуорт киинин аныгы теплоизоляционнай матырыйаалынан ититии үлэтэ оҥоһуллубута. 2024 сылга нэһилиэнньэ өрөспүүбүлүкэҕэ эмтээҕинэн биллэр күөллээх, айылҕа ыһыахтыырга анаабыт курдук кыраһыабай сиригэр, «Кэрэхтээх» алааска түһүлгэни саҥардыы бырайыагынан кыттан, быйыл ыһыахпыт саҥардыллыбыт түһүлгэҕэ ыытыллан дьон-сэргэ астынна. Икки ураһаны, киирэр аарканы, дьон олорор икки сабыылаах тырыбынатын, атыы-эргиэн түөрт хорчуоппатын саҥардан тутуу бырайыактанан олоххо бэс ыйыгар киирбитэ.
2026 сылга нэһилиэнньэ уулусса билиҥҥи, аныгы көстүүлээх уотунан сырдатыллар бырайыагынан кыттар баҕалаах. Бу бырайыак хас да түһүмэҕинэн ыытыллара былааннанар. Икки нэһилиэк, кыһыҥҥы өттүгэр Чурапчы, Уус Алдан улуустарыгар ааһар Табаахырап, Егорова уулусса Таатта улууһун бас билиитигэр турарынан, тиэхиньикэ, дьон сырыыта элбэҕинэн 2027 сылга улуус кубуотатыгар киирсэн онотторор баҕа санаалаахпыт.
Биһиги күндү күтүөппүт Иванов Иван Константинович 1935 сыллаахха сэтинньи ый 14 күнүгэр 1 Наахара нэһилиэгэр…
Айсен Николаев Монголия генеральнай консула Батсух Ичинхорлоону кытта Иркутскайга көрүстэ. Салгыы бииргэ үлэлэһии боппуруостарын кэпсэттилэр.…
Саха сиригэр доруобуйа харыстабылын бастакы сүһүөх звенотун модернизациялааһын бырагырааматыгар саҥа эбийиэктэри (биэлсэр-акушер пууннарын, быраас амбулаторияларын)…
Бу күннэргэ Дьокуускай куоракка Өрөспүүбүлүкэ болуоссатыгар саҥа дьыллааҕы харыйа турда. Улахан тымныылар түһэ иликтэр, Саҥа…
Булт саха олоҕор улахан миэстэни ылар дьарык буолар. Ол курдук оҕо эрдэхтэриттэн куһу тиргэлээн, куобаҕы…
Быраас-оториноларингологтар долгуйаллар: коронавирус пандемиятын кэмигэр мурун бүөлэниититтэн тымыры кыаратар эмтэр дойду үрдүнэн тарҕаныылара күүскэ үрдээтэ…