Таатта улууһугар быыбар көхтөөхтүк барар

Таатта улууһугар РФ бэрэсидьиэнин быыбара көхтөөхтүк саҕаланна. 544-c быыбардыыр учаастакка сарсыарда аҕыс чааска Таатта улууһун үлэҕэ уонна социальнай көмүскэлгэ управлениетын салайааччы Михаил Тарасов биир бастакынан кэлэн куоластаата:

— Быыбарга дьон хара сарсыардаттан көхтөөхтүк үөрэ-көтө кэлэн куоластыырын бэлиэтии көрдүм. Дойдубут туһугар патриоттуу санаабыт уһуктан, бары түмсүүлээхтик, биир сомоҕо буолан быыбарга көхтөөхтүк кыттыахха!