СИА хаартыската
Таатта улуһунааҕы Суолга куттал суох буолуутун судаарыстыбаннай иниспиэктэрдэрэ полиция старший лейтенана Павел Михайлов уонна полиция лейтенана Гаврил Гуринов суолга патруллуу сылдьаннар «Халыма» федеральнай айан суолун 264 км «Форд Спектрон» массыына турарын бэлиэтии көрбүттэр.
Полиция үлэһиттэрэ тохтоон быһаарсыбыттара, суоппар Өймөкөөн улууһуттан ыаллыы сытар эрэгийиэҥҥэ баран испит, айаннаан иһэн массыына икки иннинээҕи көлүөһэтэ тымныыттан алдьаммыт диэн СӨ Суолга куттал суох буолуутун судаарыстыбаннай иниспиэксийэтин пресс-сулууспата иһитиннэрэр.
Ону таһынан тохтообут кэннэ, сотору буолан баран, аһара тымныытыттан аккумулятора олорбут, онон массыына умуллан хаалбыт. Онон суоппар 40 кыраадыс тымныыга сылытар туга да суох хаалбыт.
Инсипиэктэрдэр суоппары бэйэлэрин массыыналарыгар киллэрэн ириэрбиттэр, оттон бэйэлэрэ массыынаны өрөмүөннээбиттэр. Массыынаны собуоттаан баран тэстибит көлүөһэлэрин уларыппыттар.
Тоҥо сыспыт киһи Суолга куттал суох буолуутун судаарыстыбаннай иниспиэктэрдэригэр үлэлэригэр эппиэтинэстээхтэрин уонна көмөлөрүн иһин махталын биллэрэн баран, салгыы айаннаабыт.
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…
Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…
СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…