Таатта улууһугар итирик дьахтар массыына күрэппит

Таатта улууһугар 26 саастаах итирик дьахтар массыына күрэппит. Уоруйах дьахтар айаннаан иһэн тутуллубут. Сарсыардааҥы аһылыгын кэмигэр массыына хаһаайката түннүгүнэн көрбүтэ, дьиэтиттэн массыыната айаннаабыт. Дьахтар массыынатын кэнниттэн батыһа сүүрбүт да, ситэн тохтоппотох.

Холуобунай ирдэбил үлэһиттэрэ ГАИ иниспиэктэрдэрин кытта массыынаны булбуттар. Уруулга урут сууттаммыт 26 саастаах олохтоох дьахтар олороро биллибит.

«Кэлин биллибитинэн, сарсыарда уорбаланааччы итирик туруктаах дьиэтигэр төннөн иһэр эбит. Чааһынай дьиэ күрүөтүн аттыгар турар, күлүүстээх массыынаны бэлиэтии көрөн, солуоҥҥа көҥүллүк киирбит. Онон атын киһи массыынатынан атын сэлиэнньэҕэ баар дьиэтин диэки айаннаабыт, ол эрээри соторунан полиция үлэһиттэрэ дьахтары тохтоппуттар», — диэн СӨ ИДьМ пресс-сулууспата иһитиннэрэр.

Алдьамматах массыына хаһаайкатыгар төннөрүллүөҕэ. Бэрэбиэркэ ыытыллар.