Бэс ыйын 15 күнүгэр Таатта улууһугар ытык ыһыах түһүлгэтигэр Ытык Күөл киин бибилэтиэкэтэ суруйааччы Реас Кулаковскай төрөөбүтэ 110 сылыгар аналлаах тэрээһиннэри ыытта.
Тэрээһиннэр кыттыылаахтарын уонна ыалдьыттары Реас Кулаковскай кыыһа, норуот үөрэҕириитин туйгуна, Таатта улууһун бочуоттаах олохтооҕо Рива Реасовна Кулаковская уонна Лена Макарова ырыанан эҕэрдэлээтилэр.
Суруйааччы айымньыларын ырытыыга «Айар аартык күлүүһүн арыйдахха…» кэтэхтэн ыытыллыбыт күрэс түмүгүн иһитиннэрдилэр уонна кыайыылаахтарга наҕараадалары туттардылар. Улуус нэһилиэктэриттэн уонна Кэбээйи, Сунтаар улуустарыттан, Дьокуускайтан барыта 17 үлэ киирбит.
Дьүүллүүр сүбэ быһаарыытынан, 1 миэстэни О.М. Слепцова (Ытык Күөл), 2 миэстэни Н.В. Андросова-Айталы (Дьокуускай), үһүс миэстэни М.Н. Ширяева (Ытык Күөл) ыллылар. Анал ааттар Т.С. Григорьеваҕа (Чычымах), С.Н. Самсонова-Сиибиктэҕэ (Кэбээйи) ананнылар. Онтон Биһирэбил бирииһи Ытык Күөлтэн Л.Н.Турнина тутта.
Суруйааччы айымньыларын дьиэ кэргэнинэн уус-ураннык ааҕыыга «Айымньы кынатыгар уйдаран…» күрэс эмиэ бэрт сэргэхтик ааста. Дьүүллүүр сүбэҕэ Реас Алексеевич кыыһа Р.Р. Кулаковская, сиэнэ Н.Г. Дарбасова, Киин бибилэтиэкэ дириэктэрэ А.К. Билюкина, «Уран тыл» литературнай түмсүүттэн С.С. Игнатьева үлэлээтилэр. 1-3 миэстэлэргэ Пинигиннэр (Дьохсоҕон), Бехтюевтар (Ытык Күөл), Турниннар (Ытык Күөл) дьиэ кэргэттэрэ тиксэн, кыайыылаахтарынан буоллулар. Бу күрэскэ анал ааттар эмиэ иҥэрилиннилэр. Ол курдук, Андросовтар (Ытык Күөл), Шестаковтар (Ытык Күөл) анал ааттарга, Грязнухиннар (Ытык Күөл) Биһирэбил бириискэ тиксэн, үөрүү өрөгөйүн биллилэр.
Онтон «Реас Кулаковскай ыллыгынан…» диэн блиц-оонньууга ким баҕалаах кыттан, талан ылбыт ыйытыытыгар суруйааччы кинигэлэриттэн хоруйдары буллулар.
Кыайыылаахтар дипломнарынан, бириистэринэн наҕараадаланнылар. Маны таһынан Кулаковскайдар дьиэ кэргэн бастакы миэстэни ылбыттарга аҕалара мөссүөннээх үрүҥ көмүс өйдөбүнньүк бэлиэлэрин туттардылар, кыттыбыт дьоҥҥо махталларын тириэртилэр.
Бүгүн Өлүөнэ эбэ күнүн чэрчитинэн уонна «Вода России» бүтүн Арассыыйатааҕы аахсыйанан киэҥ хабааннаах экологическай субуотунньук…
Далааһыннаах күрэхтэһии сэттис күнэ түмүктэннэ. Кыайыылаахтары наҕараадалааһын үөрүүлээх быһыыга-майгыга буолла. Дьокуускайга Комсомол болуоссатыгар бүгүн тустууга…
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…