Таатта улууһун үлэ уонна социальнай көмүскэл управлениетын тус архыыбын хаартыската
Кулун тутар 23 күнүгэр Таатта улууһугар көһө сылдьар cоциальнай десант үлэлээтэ. Ол курдук, десант кыттыылаахтара Таатта улууһун үлэҕэ уонна социальнай көмүскэлгэ управлениетын салайааччы Михаил Тарасов уонна улуус дьарыктаах буолуутун киинин салайааччы Татьяна Кириллина Харбалаах, Чычымах нэһилиэктэринэн сылдьан, социальнай өйөбүл саҥа хайысхаларын билиһиннэрэр, сырдатар үлэни тэрийдилэр.
Бу күннэргэ Таатта улууһугар социальнай десант уопсайа 13 нэһилиэккэ сырытта. Социальнай десант иһигэр социальнай управление, «Мин биисинэһим», пенсионнай управление, «Эрэл» диэн саастарын ситэ оҕолору чөлгө түһэрэр киин, уйулҕа киинэ, полиция салаата уонна тыа хаһаайыстыбатын управлениетын үлэһиттэрэ тэҥҥэ нэһилиэктэринэн сылдьыһан сырдатар-иһитиннэрэр үлэни тэрийдилэр. Кэлэр нэдиэлэҕэ бу десант улуус киинигэр үлэлиирэ былааннанар.
Таатта улууһун үлэҕэ уонна социальнай көмүскэлгэ управлениетын салайааччы Михаил Тарасов санаатын үллэһиннэ:
— Нэһилиэктэргэ сылдьан олохтоохтору кытта сирэй-харах көрсөн тустаах кыһалҕалары истии, сырдатар үлэни тэрийии олус наадалаах дии санаатым. Тоҕо диэтэххэ, киһи эрэ барыта күннэтэ улуус киинигэр киирэн тустаах тэрилтэҕэ кыһалҕатын быһаарса киирбэт. Аҕам саастаахтар, доруобуйаларынан хааччахтаах дьон, о.д.а кыһалҕалаах дьоҥҥо маннык социальнай десаннары тэрийэн миэстэтигэр көрсүһүү, кыһалҕаны быһаарыы олус наадааах. Биһиги үлэбит сүнньэ — нэһилиэнньэҕэ ханнык социальнай көмөлөр, өйөбүллэр баалларын билиһиннэрии буолар. Кэлэр нэдиэлэҕэ десаммыт улуус киинигэр үлэлиэҕэ.
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…