Таатта улууһугар суол быһылааныгар киһи өлбүт

Таатта улууһугар вездеход алдьанан, түҥнэстибит. Түмүгэр пассажир олохтон туораабыт. Бу туһунан Саха сиринээҕи Госавтоинспекция пресс-сулууспата иһитиннэрэр.

«Ытык-Күөл сэлиэнньэтигэр 1991 сыллаах төрүөх суоппар вездеходунан айаннаан иһэн, салайар мэхэньииһимэ алдьаммытыттан салайар кыаҕын сүтэрэн, суолтан туораан ууга түҥнэстибит. Түмүгэр 1993 сыллаах төрүөх пассажир балыыһаҕа киирэн өлбүт», — диэн иһитиннэриигэ этиллэр. Бу чахчынан бэрэбиэркэ ыытыллар.