Таатта улууһун баһылыга Айаал Бурцев сибээс миниистирин кытта көрүстэ

Таатта улууһун баһылыга Айаал Бурцев СӨ инновацияҕа, сыыппараны сайыннарыыга уонна инфокоммуникационнай технологияларга миниистир  Василий Ефимовы кытта көрүстэ.  

— Миниистир Василий Ефимов «Синергия Арктики» бырайыак чэрчитинэн, Таатта улууһугар Хара Алдаҥҥа уонна Булуҥҥа 2025 сыл бүтүөр диэри ВОЛС лиинийэтэ (оптоволокно) кэлиэхтээҕин иһитиннэрдэ. Бу көрсүһүүгэ интэриниэт, суотабай сибээс быстарын, сорох сиринэн 4G сибээс мөлтөҕүн уонна суоҕун кэпсэттибит. Эһиил Манчаары оонньууларын кэмигэр сибээһи күүһүрдэргэ болҕомто уурарга уонна сотору кэминэн бу туһунан Дьокуускайга министиэристибэ уонна Манчаары оонньууларын дириэксийэтэ кыттыылаах улахан мунньаҕы тэрийэргэ болдьостубут, — диэн Таатта улууһун баһылыга Айаал Бурцев бэйэтин телеграм-ханаалыгар суруйар.