Таатта улууһун биир нэһилиэгин баһылыга түөкүттэр угаайыларынан 350 тыһ. солк. сүтэрдэ
18.01.2025, 15:15
Хаартыска: PxHere
Бөлөххө киир:
Саха сирин полициятын дьуһуурунай чааһыгар суукка устата түөрт киһи түөкүттэр угаайыларыгар киирэн биэрбиттэрин туһунан сайабылыанньа суруйбуттар. Хара дьайыыттан эмсэҕэлээччилэр ортолоругар Таатта оройуонун биир нэһилиэгин баһылыга баар.
Саха сиринээҕи ИДьМ пресс-сулууспата иһитиннэрэринэн, нэһилиэк баһылыга ОДьКХ эйгэтин дуоһунастаах бэрэстэбиитэлин кытта суруйсан баран 350 тыһыынча солкуобайын сүтэрбит. Полицияҕа бүддьүөт үбүн-харчытын буолбакка, тус харчытын сүтэрбитин туһунан чуолкайданна.
Ону тэҥэ Дьокуускайга 67 саастаах биэнсийэлээх дьахтар ФСБ сымыйа үлэһиттэригэр 1,4 мөл. солк. тахса сууманы ыыппыт, оттон тэрилтэ 56 саастаах дириэктэрэ Энергосбыт үлэһиттэригэр 450 тыһыынча солкуобайы албыннаппыт.
Нам оройуонугар 68 саастаах биэнсийэлээх дьахтарга мобильнай сибээс оператора эрийбит, онон дьахтар сим-каартатын болдьоҕун уһатаары 185 тыһыынча солкуобайын сүтэрбит. Дьиҥэр, сим-каартатын болдьоҕо суох үлэлиир.
+1
+1
1
+1
1
+1
+1
8
+1
2
+1
2
Сообщить об опечатке
Текст, который будет отправлен нашим редакторам: