Таатта улууһун социальнай-реабилитациялыыр киинэ — Арассыыйаҕа бастыҥ
![](https://sakha-sire.ru/wp-content/uploads/2023/10/mintruda-7-1060x596.jpeg)
Алтыньы 11-13 күннэригэр Саха сирин дэлэгээссийэтэ “Бары – оҕолор тустарыгар!” Бүтүн Арассыыйатааҕы XIV пуорумҥа кытынна.
Нижегородскайга ыытыллыбыт пуорумҥа дойду 70-тан тахса эрэгийиэниттэн кыттан, аныгы технологиялары, социальнай бырагыраамалары уонна бырайыактары билиһиннэрдилэр.
Быыстапка былаһааккатыгар Саха сирин Таатта улууһун социальнай-реабилитациялыыр киинин «Служба социального сопровождения с кратковременным пребыванием детей» обургу оҕолорго аналлаах быраактыката “Ситиһии маршрута” номинацияҕа кыайыылааҕынан таҕыста.
Бу дьаарбаҥкаҕа уонна былаһааккаларга олох-дьаһах ыарахаттарыгар түбэспит оҕолоох дьиэ кэргэттэри өйөөһүнү кытта сибээстээх боппуруостары дьүүллэстилэр.
СӨ Үлэҕэ министиэристибэтин дэлэгээссийэтэ уонна социальнай хааччыйыы 3 тэрилтэтин бэрэстэбиитэллэрэ 17 былаһааккаҕа уонна мастарыскыайдарга кытыннылар.
Министиэристибэттэн иһитиннэрбиттэринэн, пуорум кыттыылаахтара өрөспүүбүлүкэ уопутун билистилэр. Саха сирин дэлэгээссийэтэ эрэгийиэн демографияҕа бэлиитикэтин уонна оҕо төрөөһүнүн өйөөһүн туһунан кэпсээтилэр.
Сообщить об опечатке
Текст, который будет отправлен нашим редакторам: