Хаартыска: www.sakha.gov.ru/news/18548
РСФСР уонна Саха АССР үтүөлээх учуутала, өрөспүүбүлүкэ норуотун учуутала Николай Иванович Афанасьев аатынан 2025 сыллааҕы Ил Дархан уонна Бырабыыталыстыба дьаһалтатын салайааччытын бириэмийэтин аныыр күөн күрэс түмүгүн таһаардылар.
Хамыыһыйа бириэмийэни Таатта улууһун С.Р.Кулачиков-Эллэй аатынан Чычымах орто оскуолатын биологияҕа, географияҕа учуутала Дария Егоровна Ивановаҕа туттарарга быһаарда.
“Күөн күрэс сыллата үөрэх систиэмэтин үлэһиттэрин – учууталлары, эбии үөрэхтээһин педагогтарын онтон атын исписэлиистэри патриотическай тыыҥҥа, төрөөбүт дойдуну үөрэтиини тарҕатыыга үлэлэрэ көдьүүстээх буоларыгар көҕүлүүр. Өрөспүүбүлүкэ араас муннуктарыттан учууталлары, иитээччилэри киллэрэн туран педагогтар кыттыбыттара. Дьокуускай куораты ааҕан туран өрөспүүбүлүкэ 18 улууһуттан 44 сайаапка киирбитэ”— диэн тэрийээччилэр кэпсииллэр.
2022 сыллаахха Ил Дархан уонна Бырабыыталыстыба дьаһалтата олохтообут күөн күрэһэ Аҕа дойду Улуу сэриитин бэтэрээнэ, СӨ норуотун учуутала, РСФСР уонна Саха АССР үтүөлээх учуутала, ССРС үөрэҕириитин туйгуна, Бүлүү улууһун уонна Бүлүү улууһун Бороҕон нэһилиэгин бочуоттаах олохтооҕо Николай Иванович Афанасьев аатын сүгэр. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Бу күннэргэ Дьокуускай куорат Таалай күөлүгэр тохтубут кирдээх ууну ыраастааһын үлэтэ саҕаламмытын туһунан Киин уокурук…
"Үрдүккэ кынаттыыр дьонум-сэргэм" диэн бырайыагым чэрчитинэн, бүгүн олус айымньылаахтык үлэлии олорор Степан Кузьмич Макаров аатынан…
Дьокуускай куорат баһылыгын солбуйааччы – куорат уокуругун дьаһалтатын аппараатын салайааччыта Юрий Петров «СВО-ҕа сааҕын биэр»…
Тохсунньу 29 - олунньу 1 күннэригэр Красноярскай куоракка көҥүл тустууга сезон биир саамай сүрүн күрэхтэһиитэ…
Нам улууһун полициятын дьуһуурунай чааһыгар балыыһаттан биир дьахтар балыыһа үлэһиттэригэр төбөтүгэр эчэйиилээх кэлбитин уонна “бэйэм…
Анал байыаннай дьайыыга Саха сирин олохтоохторо туох кыахтаахтарынан көмөлөһөллөр. Бары Кыайыы туһугар кылааттарын киллэрэллэр. Бу…