Таатта Уолбатыгар тыатааҕы киирбит

Таатта оройуонун Уолба сэлиэнньэтин олохтоохторо дэриэбинэ иһигэр киирбит тыатааҕыны видеоҕа устан социальнай ситимнэринэн тарҕаттылар. Нэһилиэк баһылыга Александр Винокуров СИА-ҕа этэринэн, тыатааҕыны дэриэбинэ таһыгар көрөллөрө маҥнайгы түбэлтэ буолбатах.

«Биһиги тыа сирин олохтоохторугар тыаҕа отоннуу эбэтэр атын наадалаах тахсалларыттан туттуналларыгар сэрэтэбит. Видеоҕа уһуллут  тыатааҕы эдэр саастаах, маннык саастарыгар кинилэр олус кутталлаахтар. Бу иннинэ олохтоохтор икки эһэ оҕотун ийэлэрин кытта эмиэ хаста да бэлиэтии көрбүттэрэ. Сылгылар, сүөһүлэр нһилиэктэн чугас мэччийэ  сылдьалларыттан, нэһилиэнньэлээх пуунтан чугас хапкаан туруорарбыт сатаммат, онон куттал суох буолуутун дьаһалларын, сэрэтии үлэтин эрэ ыытыахпытын сөп. Дьолго, хороҕор муостаах сүөһүнү уонна сылгыны тыатааҕы өлөрбүт түбэлтэлэрэ тахсыбатахтара», — диэн Александр Винокуров кэпсээтэ.

СҮБЭҺИТ: Тыатааҕыны көрүстэххэ…