Таатта уонна Томпо улуустарын бастыҥ выпускниктарыгар Виктор Лебедев аатыттан грамоталары уонна сыаналаах бэлэхтэри туттардылар

От ыйын 28-29 күннэригэр Таатта уонна Томпо улуустарын бастыҥ выпускниктарыгар Виктор Лебедев аатыттан грамоталары уонна сыаналаах бэлэхтэри туттардылар.

Кыһыл уонна үрүҥ көмүс мэтээллэри ылбыт выпускниктары чиэстээһин 2019 сылтан саҕаламмыта, ону Виктор Лебедев олохтообута.

Быйыл наҕараадаламмыттар ортолоругар А.И. Софронов аатынан Ытык Күөллээҕи орто оскуола, Тыараһа, Даайа Амматын, Игидэй орто оскуолаларын бастыҥ выпускниктара бааллар:  Анастасия Жуллярова (кыһыл көмүс), Нина Турнина (үрүҥ көмүс), Сардаана Дедюкина (үрүҥ көмүс), Саргылана Неморицына (үрүҥ көмүс), Клариса Тюкянова (үрүҥ көмүс), Даниил Федоров (кыһыл көмүс), Кюннэй Прохорова (үрүҥ көмүс), Айталина Аргунова ( үрүҥ көмүс).

Саамай элбэх кыһыл уонна үрүҥ медалистаах А.Е. Мординов аатынан Таатта лицейэ буолла, манна “Саханефтегазсбыт” АУо үөрэтэр аудиторията аһыллыбыта. Кэлин бу профильнай кылаас базатыгар илин эҥэр улуустар улахан кылаастарын үөрэнээччилэригэр сайыҥҥы куурустары тэрийэр былааннаахтар.

Наҕараадаламмыттар ортолоругар лицей кыһыл көмүс медалистара бааллар: Диана Луковцева, Дарина Малышева, Сахаяна Кузьмина, Арина Слепцова, Амирхан Бурмистров, Вилена Мандарова уонна үрүҥ көмүс медалистар — Сайаана Можарова, Диана Пономарева, Айсена Кычкина, Нарияна Бястинова, Ольга Заболоцкая, Айгылана Мосоркина.

Норуот дьокутаатын аатыттан бочуоттаах грамотанан уонна харчылаах бирииһинэн Томпо улууһун оҕолоро эмиэ наҕараадаланнылар. Кинилэр ортолоругар кыһыл көмүс медалистар —  Алина Пешкова (Дьабарыкы Хайа орто оскуолата), Анита Захарова (Ынгинскай орто оскуола), Арина Ерохина уонна Айталина Сыромятникова (В.А.Штыров аатынан Томпотооҕу элбэх хайысхалаах гимназия), ону тэҥэ үрүҥ көмүс медалистар Кристина Гаврилюк (Хаандыга орто оскуолата), Александра Шубина (Е.П.Неймохов аат. Мэҥэ Алдан орто оскуолата), Ольга Слепушкина уонна Надежда Бравина (В.А.Штыров аатынан Томпотооҕу элбэх хайысхалаах гимназия) бааллар.

Сыллата Виктор Лебедев бэйэтин тус харчытыгар ХИФУ преподавателлэрин көһө сылдьар десаннарын таһаарар. Кинилэр Томпо, Таатта улуустарынан сылдьан, улахан кылаастарын үөрэнээччилэрин ахсааҥҥа, физикаҕа, обществознаниеҕа уонна нуучча тылыгар БКЭ-ҕэ бэлэмнииллэр. Онон норуот дьокутаата, «Саханефтегазсбыт» АУо генеральнай дириэктэрэ Виктор Лебедев талааннаах выпускниктары материальнай өттүнэн эрэ өйөөбөт, үрдүк үөрэххэ киирэргэ бэлэмнэнэллэригэр көмөлөһөр.

Яна Байгожаева