Таатта үрэх уутун таһыма түһэн эрэр

«Халыма» айан суолун 295 км баар учаастакка ууну ыытар сир Таатта үрэх уутун таһыма үрдүүрүн тохтотто. Ол туһунан СӨ тырааныспарга уонна суол хаһаайыстыбатыгар миниистирэ Владимир Сивцев иһитиннэрдэ.

«Ууну ыытар сиринэн Таатта үрэх уута Алдан өрүскэ түргэнник ааһан эрэр. Ол гынан баран быһыттар ууттан алдьанар кутталлара өссө даҕаны баар. Онон проран өссө аччаабыта икки күн турар буолла. Бу суолунан айанныыр Томпо улууһун олохтоохторугар эбии салгын рейстэрэ олохтонуохтара. Бастакы рейс сарсын оҥоһуллуоҕа», — диэн Владимир Сивцев эттэ.

СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэккэ эппиттэринэн, билигин Таатта улууһун Уолба сэлиэнньэтэ ууга барар куттала суох. Ытык Күөлгэ уу эмиэ кыралаан түһэн эрэр эбит.