Хаартыска: "Таатта" хаһыат телеграм-ханаалыттан.
Таатта улууһун бары нэһилиэктэригэр ситэриилээх былаас уорганнарын 2023 сыллааҕы үлэтин отчуота саҕаланна. Бүгүн, олунньу 26 күнүгэр, СӨ Бырабыыталыстыбатын бэрэссэдээтэлин солбуйааччы Сергей Местников салайааччылаах отчуоттуур бөлөх бастакы күнүн Амма нэһилиэгиттэн саҕалаата.
Отчуоту нэһилиэк баһылыга Степан Соров салайан ыытта. Мунньахха 60-ча олохтоох кэлэн кыттыыны ылла. Амма нэһилиэгин олохтоохторо отчуоту иһиттилэр, кыһалҕалаах боппуруостарын биэрдилэр. Амма өрүс үрдүгэр олорор нэһилиэк буолан экология, Амма өрүһү харыстааһыҥҥа, өртөөһүн, тыа нэһилиэгэр ыччат үлэлии хаалара мөлтөх, онно туох үлэ ыытылларын тула сурастылар.
Итиэннэ А.Е.Кулаковскай-Өксөкүлээх Өлөксөй 2027 сылга төрөөбүтэ 150 сыла буоларыгар төрөөбүт дойдутугар кулууп, дьон сынньанар пааркатыгар эбии тутууну, айан суолун тупсарыыга санааларын эттилэр.
Маҥнайгы күн СӨ бырабыыталыстыбатын отчуоттуур бөлөҕө Амма, Орто Амма, Уус Амма, Хара Алдан, Алдан, Баайаҕа, Уолба нэһилиэктэригэр үс бөлөҕүнэн үлэлиэҕэ диэн «Таатта» хаһыат телеграм-ханаала иһитиннэрэр.
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …