Салгыы
Тааттаҕа быыбар бастакы күнэ олус көхтөөхтүк саҕаланна

Тааттаҕа быыбар бастакы күнэ олус көхтөөхтүк саҕаланна

15.03.2024, 17:15
Хаартыска: А.Ефимова тиксэриитэ
Бөлөххө киир:

Тааттаҕа барыта 16 быыбардыыр учаастак үлэлии турар. Улуус үрдүнэн быыбар саҕаланыытыгар испииһэккэ 9620 быыбардааччы баар. Таатта улууһун быыбардыыр хамыыһыйатын  бэрэсэдээтэлин солбуйааччы  Агафья Ефимова быыбар бастакы күнүн хаамыытын туһунан маннык иһитиннэрдэ:

— Быыбар хампаанньатын кэмигэр улахан болҕомтобутун «мобильнай быыбардааччыга”  уурдубут. Ол курдук, улууска регистрациялаах эрээри,  атын улуустарга, куораттарга олорор дьоммут элбэхтэр.  «ИнформУИК»  бырайыакка  үлэлээбит дьиэнэн кэрийбит дьоммут чуолкайдааһыннарынан  уонна нэһилиэктэрдээҕи хамыыһыйа чилиэннэрэ быыбардааччыларын барыларын билэр буоланнар, хас биирдии оннук быыбардааччыга сибээскэ тахсан, өйдөтөн, быһааран,  элбэх киһи быыбар күннэригэр баар буолар сирдэригэр испииһэккэ киирэн куоластыылларын ситистибит. Дьон өйдүүр, ылынар, “судаарыстыба өҥөтө” портал  нөҥүө элбэх  сайабылыанньа бэрилиннэ. «ИнформУИК” бырайыакка барыта 51 быыбар хамыыһыйатын чилиэнэ үлэлээтэ, дьоммут-сэргэбит үөрэ-көтө  көрсөн, ыйытыктарга эппиэттээтэ.

Өссө улахан болҕомтобутун быыбар хамыыһыйатын чилиэннэрин үөрэтиигэ уурдубут, бэйэбитигэр икки төгүл  сэминээр ыыттыбыт. Кэлиҥҥи сылларга Быыбар киин хамыыһыйатын тэрийиитинэн,  Илин энэр улуустар учаастактарга үлэлиир чилиэннэргэ анал сэминээр онороллоро туһалаах буолла.

Быыбар бастакы күнэ көхтөөхтүк саҕаланна, 12 чаастаах көрдөрүүнэн улуус үрдүнэн быыбардааччы 22% учаастакка кэлэн куоластаата. Ол иһигэр,  ытыктыыр киһибит Борис Неустроев-Мандар Уус,   90 саастаах Татьяна Яковлевна Аргунова,  50 сыл ыал буолан бииргэ олорбут Захаровтар бастакынан куоластаатылар.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
26 мая
  • 19°C
  • Ощущается: 18°Влажность: 26% Скорость ветра: 2 м/с

Сообщить об опечатке

Текст, который будет отправлен нашим редакторам: