Тааттаҕа барыта 16 быыбардыыр учаастак үлэлии турар. Улуус үрдүнэн быыбар саҕаланыытыгар испииһэккэ 9620 быыбардааччы баар. Таатта улууһун быыбардыыр хамыыһыйатын бэрэсэдээтэлин солбуйааччы Агафья Ефимова быыбар бастакы күнүн хаамыытын туһунан маннык иһитиннэрдэ:
— Быыбар хампаанньатын кэмигэр улахан болҕомтобутун «мобильнай быыбардааччыга” уурдубут. Ол курдук, улууска регистрациялаах эрээри, атын улуустарга, куораттарга олорор дьоммут элбэхтэр. «ИнформУИК» бырайыакка үлэлээбит дьиэнэн кэрийбит дьоммут чуолкайдааһыннарынан уонна нэһилиэктэрдээҕи хамыыһыйа чилиэннэрэ быыбардааччыларын барыларын билэр буоланнар, хас биирдии оннук быыбардааччыга сибээскэ тахсан, өйдөтөн, быһааран, элбэх киһи быыбар күннэригэр баар буолар сирдэригэр испииһэккэ киирэн куоластыылларын ситистибит. Дьон өйдүүр, ылынар, “судаарыстыба өҥөтө” портал нөҥүө элбэх сайабылыанньа бэрилиннэ. «ИнформУИК” бырайыакка барыта 51 быыбар хамыыһыйатын чилиэнэ үлэлээтэ, дьоммут-сэргэбит үөрэ-көтө көрсөн, ыйытыктарга эппиэттээтэ.
Өссө улахан болҕомтобутун быыбар хамыыһыйатын чилиэннэрин үөрэтиигэ уурдубут, бэйэбитигэр икки төгүл сэминээр ыыттыбыт. Кэлиҥҥи сылларга Быыбар киин хамыыһыйатын тэрийиитинэн, Илин энэр улуустар учаастактарга үлэлиир чилиэннэргэ анал сэминээр онороллоро туһалаах буолла.
Быыбар бастакы күнэ көхтөөхтүк саҕаланна, 12 чаастаах көрдөрүүнэн улуус үрдүнэн быыбардааччы 22% учаастакка кэлэн куоластаата. Ол иһигэр, ытыктыыр киһибит Борис Неустроев-Мандар Уус, 90 саастаах Татьяна Яковлевна Аргунова, 50 сыл ыал буолан бииргэ олорбут Захаровтар бастакынан куоластаатылар.
Сарсын, ыам ыйын 21 күнүттэн, Дьокуускай — Аллараа Бэстээх маршрутунан салгын суудунанан таһыы тарыыба түһэн,…
Билигин ыам ыйыгар ырыынактарынан арассаада үүннэрэр усулуобуйата, солото суох киһи ырыынакка баран атыылаһара чуолкай. Ол…
Ил Дархан Айсен Николаев сорудаҕынан Бырабыыталыстыба бэрэссэдээтэлин бастакы солбуйааччы Дмитрий Садовников салайааччылаах уу содулун туоратар…
Нам улууһугар халаан уутуттан 21 ыал уһаайбата босхолонно, ол иһигэр Граф Биэрэгэр уонна Ымыйахтаах сэлиэнньэлэригэр…
Горнай улууһун Бэрдьигэстээх сэлиэнньэтигэр ыам ыйын 20 күнүгэр биэс ынах биир тэҥинэн өлбүттэрин төрүөтүн быһаараллар.…
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын…