Хаартыска: "Таатта" хаһыат
Ахсынньы аам-даам тымныытыгар Арассыыйа Бэрэсидьиэнэ Владимир Путин көҕүлээһининэн «Жилье и городская среда” национальнай бырайыагынан Таатта улууһун Ытык Күөлүгэр “Хаарбах дьиэттэн дьону көһөрүү” бырагыраамманан Таатта нэһилиэгин Ойуунускай аатынан уулусса 22/2 нүөмэригэр 4 этээстээх, 41 кыбартыыралаах таас дьиэ үөрүүлээх быһыыга-майгыга арылынна. Бу туһунан «Таатта» хаһыат суруйда.
Аныгылыы тупсаҕай оҥоһуулаах, толору хааччыллыылаах дьиэни Александр Ханин салайааччылаах “Монтажник” тэрилтэ тутта.
Үөрүүлээх тэрээһиҥҥэ улуус баһылыгын бастакы солбуйааччы Руслан Захаров, Тааттыныскай нэһилиэк баһылыга Егор Павлов, «Монтажник” тэрилтэ прораба Семен Эляков, Таатта улууһун прокурорун эбээһинэһин толорооччу, 1-кы кылаастаах юрист Дмитрий Васильев саҥа дьиэҕэ киирбит ыаллары эҕэрдэлээтилэр, дьиэ күлүүстэрин туттардылар, кыһыл лиэнтэни быстылар.
Тааттыныскай нэһилиэк баһылыга Егор Павлов: «“Хаарбах дьиэттэн дьону көһөрүү” бырагырааммататынан 2010 сылтан үлэлэһэбит. Барыта 700-тэн тахса ыал көһөрүллүөхтээх, бүгүҥҥү күҥҥэ 400-с ыал саҥа дьиэҕэ киирэр кыахтаммыттара”, — диэтэ.
Дьиэни туппут “Монтажник” тэрилтэ прораба Семен Эляков саҥа дьиэ символическай күлүүһүн Тааттыныскай нэһилиэгин баһылыгар Егор Павловка туттарда.
Сырдык, ыраас, саҥа кыбартыыра күлүүстэрин илиилэригэр тутан хаһаайыттар үөрүүлэрэ үгүс. Маннык бырагырааманан хаарбах туруктаах дьиэлэргэ олорор дьон саҥа, хаачыстыбалаах, усулуобуйалаах дьиэлэргэ көһөллөрө, эргэ дьиэлэр көтөрүллэн, саҥа былааннаммыт дьиэлэр дьэндэйэн олоххо киирэллэрэ нэһилиэк сайдыытыгар суолталаах.
Дьиэ хаһаайыттара саҥа сылы — саҥа дьиэҕэ көрсө сүпсүлгэҥҥэ сылдьаллар, үөрүүлэрэ икки бүк үрдээбититтэн долгуйаллар.
Елена Слепцова.
Бу чааска Нерюнгри оройуонун сиригэр-уотугар өрөспүүбүлүкэтээҕи Олоҥхо ыһыаҕа ыытылла турар. Дьокуускай куораттааҕы "Уу-чуку-чук" уһуйаан оҕолорун…
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…