Тааттаҕа электромонтер уокка оҕустаран өлбүт

СӨ Борокуратуурата иһитиннэрбитинэн, өрөспүүбүлүкэҕэ ааспыт сууккаҕа буруйу оҥоруу 3 түбэлтэтэ бэлиэтэммит.

Ол иһигэр түөкүннээһиҥҥэ икки түгэн бэлиэтэнэн, 1953 сыллаах төрүөх биэнсийэлээхтэн албыннаан туран 3,2 мөл. солк., онтон  1981 сыллаах төрүөх дьахтартан  900 тыһ. солк. суйдаабыттар.

Дьокуускай куоракка алтыс этээстэн 2021 сыллаах төрүөх оҕо сууллан суорума суолланан, билигин бэрэбиэркэ ыытыллар.

Таатта Ытык Күөлүгэр өрөмүөн үлэтин кэмигэр, РЭС электромонтера  уокка оҕустаран  өлбүт. Туһааннаах быһылаанынан бэрэбиэркэ ыытыллар диэн дьуһуурунай борокуруор иһитиннэрэр.