Тааттаҕа эр киһи хат дьахтары өлөрүөм диэн куттаабытынан буруйданна

Суукка быһаарыллыбытынан, бу сыл тохсунньу 8 күнүгэр Кыйы сэлиэнньэтин 32 саастаах олохтооҕо итирик туруктаах сылдьан, алта ыйдаах хат урукку ойоҕун өлөрүөм диэн куттаабыт.

Бу туһунан СӨ Борокуратууратын пресс-сулууспата иһитиннэрэр. Суут судаарыстыбаннай буруйдааччы этиитин учуоттаан, эр киһини РФ Холуобунай Кодексатын 119-с ыстатыйатын 1 чааһынан икки сыл болдьоххо усулуобунайдык көҥүлүн быһарга уураахтаата. Суут уурааҕа сокуоннай күүһүгэр киирэ илик.