Тааттаҕа эр киһи күүһүн туһанан күлүгээннээһиҥҥэ уонна өлөрөрүнэн куттааһыҥҥа уорбаланар

Силиэстийэ сабаҕалыырынан, былырыын балаҕан ыйын 14 күнүгэр 1998 с.т. уонна 2001 с.т. икки эдэр киһи итирик туруктаах сылдьан, түүн «Тойота Витц» массыынанан айаннаабыттар.

«Харбалаах» суолун 47-с килэмиэтиригэр матасыыкыл өрөмүөннүү сылдьар 17 саастаах икки уолу көрсүбүттэр. Ол кэннэ сылтах оҥостон, оҕолору сынньыбыттар.

Ону таһынан, буруйданааччылартан биирдэстэрэ, 1998 с.т. эр киһи, массыына кэлин олорор сиригэр олорон, инники олорор олорбут оҕону моонньуттан хабарҕалаабыт. Ону кытта массыына уруулугар олорон, атын оҕону түҥнэри көтө сатаабыт. Итини таһынан буруйданааччы  уолу моонньуттан тутан баран, быһаҕынан садьыйбыт уонна өлөрөрүнэн куттаабыт.

Холуобунай дьыаланы борокуруор суукка ыыппыт. Эр дьон 7 сылга диэри көҥүллэрэ быһыллыан сөп диэн СӨ Борокуратууратын пресс-сулууспата суруйар.