Тааттаҕа «Ийэм, аҕам уонна мин — спортивнай дьиэ кэргэн» күрэхтэһии ыытылынна

Бэҕэһээ, ахсынньы 4 күнүгэр, Таатта улууһун уһуйааннарын икки ардыларыгар Арассыыйаҕа Дьиэ кэргэн, Саха сиригэр Оҕо саас сылынан «Ийэм, аҕам уонна мин — спортивнай дьиэ кэргэн» улуустааҕы күрэхтэһии буолла.

Күрэхтэһиигэ уопсайа тоҕус хамаанда кытынна. Ытык Күөлтэн «Сулусчаан» уһуйаантан Тистяховтар, «Березка» уһуйаантан Карсанаевтар, «Чуораанчык» уһуйаантан Хатылаевтар, Уус Тааттаттан «Харыйачаан » уһуйаантан Винокуровтар, Игидэйтэн «Теремок» уһуйаантан Захаровтар,  Туора Күөлтэн «Кэскил» уһуйаантан Захаровтар? Чымынаайыттан «Сардаана» уһуйаантан Саввиннар, Дьохсоҕонтон «Мичил» уһуйаантан Сивцевтар, «Даайа Амматтан «Сардаана» уһуйаантан Тимофеевтар дьиэ кэргэттэрэ кытыннылар.

Сэттэ түһүмэх түмүгүнэн Уус Тааттатан Винокуровтар дьиэ кэргэн бастаатылар. Иккис миэстэни Чымынаайыттан Саввиннар дьиэ кэргэн ыллылар. Үһүс миэстэни Даайа Амматыттан Тимофеевтар дьиэ кэргэн ыллылар. Кыайыылаах хамаанда ахсынньы 14 күнүгэр  Дьокуускай куоракка өрөспүүбүлүкэтээҕи күрэхтэһиигэ улуус чиэһин көмүскүөҕэ.

Тэрээһин сүрүн успуонсардарынан улуустааҕы ыччат уонна дьиэ кэргэн бэлиитикэтин салаата (нач.В.П.Рахлеева), «Сарыал» култуура уонна успуорт киинэ (дир.А.И.Тарасов), улууска үөрэх управлениетын биир идэлээх сойууһа (бэр.П.В Борисов),  улуустааҕы норуот айымньытын дьиэтэ (сал.Г.Г.Вырдылин), успуорт кэмитиэтэ (сал.А.П.Сидоров), «Мой бизнес» киин (бэр. С.Д.Варламова) уонна «Движение первых» (сал. Р.Г.Унарова) тэрээһини көҕүлээн, өйөөн, успуонсардаан бэркэ ыыттылар. Оҕо успуордун өйүүр, дьиэ кэргэни түмэр тэрээһиннэр элбии туруохтара.