Таатта улууһугар Ытык Күөлгэ «Манчаары оонньууларыгар» бэлэмнэнии чэрчитинэн, сүүрэр ыллыктаах 1000 миэстэлээх стадиону уонна элбэх хайысхалаах доруобуйаны чэбдигирдэр спортивнай комплексы туталлар.
Далааһыннаах улахан күрэхтэһиигэ бэлэмнэнии хаамыытын СӨ Бырабыыталыстыбатын Бэрэссэдээтэлин солбуйааччы Сергей Местников салайан ыыппыт тэрийэр кэмитиэтин көһө сылдьар мунньаҕар көрдүлэр.
Тэрийэр кэмитиэт мунньаҕа буолуор диэри Сергей Местников тутууларга сырытта. Эбийиэктэри тутуу былаан быһыытынан баран иһэр, эһиил үлэҕэ киллэриллэллэр.
Успуорт комплексыгар ититэр ситими киллэрии, сылаас муостаны оҥоруу, түннүктэри туруоруу үлэлэрэ бара тураллар. Бэдэрээччит сэтинньиттэн ис өттүгэр үлэни саҕалыыр былааннаах.
Стадиоҥҥа киин тырыбынаны оҥороллор, футбол хонуутун бүрүөһүнүн тэлгииллэр. Саас сүүрэр сиргэ ылсан үлэлэспитинэн барар соруктаахтар.
Маны сэргэ ОДьКХ уонна энэргиэтикэ, социальнай эбийиэктэргэ өрөмүөн ыытыллыахтаах. Сергей Местников Ытык Күөл сэлиэнньэтин тупсаран оҥоруу боппуруоһа тиһиктээх хонтуруолу ирдиирин бэлиэтээтэ.
Санаттахха, Ил Дархан Айсен Николаев дьаһалынан «Манчаары оонньуулара» эһиил, 2025 с. Таатта улууһугар от ыйыгар ыытыллар. Эрдэтээҥҥи иһитиннэриинэн, тэрээһин түмүктүүр чааһыгар сэттэ тыһыынча киһи кыттыахтаах.
Түһүлгэҕэ успуорт 11 көрүҥэр күрэхтэһиэхтэрэ, ол иһигэр хапсаҕай, мас тардыһыыта, ыстаҥа, чэпчэки атлетика, хотугу многоборье, остуол оонньуулара, буулдьанан ытыы, оҕунан ытыы, ат сүүрдүүтэ, о.д.а. баар буолуо.
Дойду Бэрэсидьиэнэ Владимир Путин бэлиэтээбитинэн, Арассыыйа успуорт национальнай көрүҥнэрин киэҥник тарҕатыахтаах уонна кылаабынайа, маассабай успуорт көрүҥнэрин курдук тэнийиэхтээхтэр, сайдыахтаахтар.
СӨ Ил Дарханын уонна Бырабыыталыстыбатын пресс-сулууспата
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…