Хаартыска СИА ылылынна
«Манчаары оонньуулара Тааттаҕа 2025 сылга ыытыллыаҕа.
Сабаҕалааһын быһыытынан, бу улахан тэрээһин түһүлгэтигэр сэттэ тыһыынча киһи кэлэрэ күүтүллэр. Маныаха сөптөөх кэмигэр быһаарыылар ылылланнар, тутуулар саҕаламмыттар.
Бу туһунан Ил Дархан Айсен Николаев Тааттаҕа улуус киинигэр саҥа поликлиника аһыллыытыгар тиийэ сылдьан санаатын үллэһиннэ. Кини «Манчаары оонньууларын» көрсө Ытык Күөлгэ стадион тутуллуохтааҕын, элбэх хайысханы толорор успуорт киинэ Чөркөөххө былааннанарын, элбэх эбийиэктэр өрөмүөннэниэхтээхтэрин эттэ.
-Өрөспүүбүлүкэҕэ улахан далааһыннаах усупорт оонньуулара ыытыллар буоллахтарына, онно сөп түбэһиннэрэн нэһилиэктэр, улуус хайаан даҕаны уларыйыахтаах, тупсуохтаах. Ол курдук, Ытык Күөлгэ уулуссалар аспаалланыахтара, Биэрэк үрдэ саҥа ирдэбилгэ толору эппиэттиир гына оҥоһуллуохтаах, дьон сынньанар сирдэрэ баар буолуохтаахтар. Итиннэ үлэ саҕаланна, — диэн этэр кини.
Ил Дархан улууска үлэ хаамыытын көрдө. Итиэннэ, «Монтажник» хампаанньа тутууну саҕалаабытын эттэ, бу тыа сиригэр тутуу хампаанньаларыттан биир бастыҥнара буоларын бэлиэтээтэ. Түмүккэ, «Манчаары оонньууларын» көрсө, 2024 сылтан үлэни күүскэ саҕалаатахха, туруоруллубут соруктарын ситиһиллиэхтэрин, далааһыннаах тэрээһин үрдүк таһымнаахтык ыытыллыаҕын ыйда.
Сэтинньи 12-22 күннэригэр Былатыан Ойуунускай аатынан Саха театра 120 айар дьылын чэрчитинэн Волга өрүс кытылыгар…
Быстах кэмҥэ үлэлээбэккэ олоруу иһин босуобуйа муҥутуур үрдүк кээмэйэ күҥҥэ 5700 солк. кэриҥэ диэн Судаарыстьыбаннай…
Ил Түмэн Бэрэссэдээтэлэ Алексей Еремеев бүгүн Нам сэлиэнньэтигэр оробуочай сырыынан тиийдэ. Үлэ сүрүн соруга –…
Мас-рестлиҥҥэ Арассыыйа сүүмэрдэммит хамаандатын састааба билиннэ. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.…
Норуодунай суруйааччы Баһылай Харысхал төрөөбүтэ 75 сылыгар анаммыт төгүрүк остуол Национальнай бибилэтиэкэ Устуоруйа саалатыгар буолла.…
Роспотребнадзор иһитиннэрэринэн, ааспыт нэдиэлэҕэ өрөспүүбүлүкэ үрдүнэн 10 659 киһи ыалдьыбыта бэлиэтэммит. Үһүс нэдиэлэтин ОРВИнан уонна гириибинэн…