Хаартыска: Иван Яковлев.
Бүгүн СӨ култуура уонна духуобунас миниистирэ Афанасий Ноев «Манчаары оонньууларыгар» бэлэми билсэр соруктаах Таатта улууһугар үлэлээтэ.
«Ытык Таатта сиригэр сырыыбар, бастатан туран, култуура эйгэтин үлэһиттэрин кытта көрсөн кэпсэттим. Спортивнай тэрээһиннэри сэргэ үгүс култуура тэрээһиннэрэ ыытыллыахтара. Саха литературатын биһигинэн буолбут Таатта улууһугар күрэхтэһэ, ыалдьыттыы кэлбит дьон, улуус устуоруйатын, олоҕун-дьаһаҕын көрөр-истэр баҕалаахтар. Ол эппиэтинэстээх соругу култуура дьоно сүгэллэр. Гаврил Вырдылин салайааччылаах хамаанда ол ону эрдээхтик толоруо диэн эрэнэбин.
Оонньуулары үөрүүлээхтик арыйыы-сабыы тэрээһинин салайан ыытар режиссер Роман Дорофеев улуус бары нэһилиэктэрин кэрийэн, олохтоохтору кытта көрсөн кэпсэтэн, санаатын-оноотун тиэрдибит.
Мантан салгыы таҥаһы-сабы бэрийэн, кыттыахтаах дьону түмэн, бэс ыйын 23 күнүттэн күүстээх бэлэмнэнии саҕаланыаҕа.
Аан дойдутааҕы архыып күнүгэр бүгүн Таатта улууһун муниципальнай архыыбыгар сырыттым. Архыып салайааччыта Лариса Слепцованы уонна архыып сүрүннүүр үлэһитэ Мария Ефимованы кытта өрөспүүбүлүкэбит историческай өйдөбүнньүгүн, култуурунай нэһилиэстибэтин харыстыыр суолтатын туһунан кэпсэттибит. Биллэрин курдук, Таатта саха суруйааччыларын төрөөбүт түөлбэлэрэ. Архыыпка кинилэр төрөөбүт миэтэрикэлэрэ Ытык-Күөллээҕи Преображенскай Таҥара дьиэтигэр харалла сыталлар. Ол курдук, саха литературатын төрүттээччи Анемподист Иванович Софронов-Алампа (1886-1935) төрөөбүтүн туһунан докумуона эмиэ баар.
Бүгүн маны тэҥэ Амма улууһун дьаһалтата тэрийбит «төгүрүк остуолугар» куйаар ситиминэн кыттыыны ыллым. Онно «Связующая нить времен: культурный код Амгинской рукописи» бырайыагы саҕалаатылар.
Амма улууһун муниципальнай архыыбыттан бэрт эргэ саһарбыт сирэйдээх тэтэрээт булуллубута. Онно бэлиэтээһиннэр хаалбыттар. Бастакы сурук 1928 с. тохсунньу 21 күнүгэр суруллубут.
Бу Новгородов алпаабытынан суруллубут П.А. Ойуунускай, Н.Мординов-Амма Аччыгыйа, Алексей Елисеевич Кулаковскай-Өксөкүлээх Өлөксөй уонна норуот бэйиэтэ С.И. Кулачиков-Эллэй айымньылара — бэрт сыаналаах сэдэх эспэнээт», — диэн бэйэтин телеграм-ханаалыгар суруйда Афанасий Ноев. Сиһилии бу сигэнэн билсиҥ.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…