Тааттаҕа — норуот субуотунньуга

Сайылык күнүнэн Таатта улууһугар тэрилтэлэр субуотунньуктара буолла. Бу  туһунан улуустааҕы норуот айымньытын дьиэтин салайааччыта Гаврил Вырдылин сырдатта:

— Улууспут баһылыга Айаал Семенович Бурцев көҕүлээһининэн норуот субуотунньугун тэрийдибит. Ол курдук  улуустааҕы норуот айымньытын тэрилтэтигэр Хадаайы ыһыахтыыр сиригэр 34 га  сири биэрбиттэрэ. Улуус дьаһалтатын ыҥырыытынан норуот субуотунньуга тэрилиннэ. Күргүөмүнэн үлэни улуустааҕы норуот айымньытын дьиэтэ салайда. 38 тэрилтэттэн 300-тэн тахса киһи кыттыыны ылла. Эргэ 10 ураһа көтүлүннэ, территория куруланна. Бөҕү барытын тэрилтэлэр сыбаалкаҕа таһаардылар. 29 территорияҕа маннык тэрилтэлэр сыһыарыллан хомуйдулар:

Роспотребнадзор Тааттатааҕы салаата, Д.А.Петров аатынан 2 № Ытык Күөл орто оскуола, А.И.Софронов — Алампа аатынан 1-кы № -дээх Ытык-Күөл орто оскуолата, Пенсионнай пуонда Тааттатааҕы управлениета,  эдэр натуралистар ыстаансыйалара, кииннэммит буҕаалтыр ситимэ, бэтэринээрийэ управлениета, улуустаҕы киин балыыһа, улуус дьаһалтата, нэһилиэк дьаһалтата, баһаарынай сулууспа, ГИМС, А.Е.Мординов аатынан Тааттатааҕы лиссиэй, И.А.Аргунов аатынан кииннэммит бибилэтиэкэ ситимэ, социальнай харалта управлениета уонна доруобуйаларынан хааччахтаммыт дьон уопсастыбата, «Сулусчаан» уһуйаан, «Кэнчээри» уһуйаан, үп управлениета,  ОДьКХ хаһаайыстыба тэрилтэтэ, «Коммунтеплосбыт», «Жилкомсервис», Улуустааҕы норуот айымньытын дьиэтэ, Физкультуураҕа уонна успуорка кэмитиэт, И.Г.Федосеев аатынан оҕо успуордун оскуолата, «Сатабыл» оҕо айымньытын дьиэтэ, «Таатта» хаһыат эрэдээксийэтэ, Саха НКИХ Тааттатааҕы салаата,  Ф.С.Аргунов аатынан оҕо ускуустубатын оскуолата, тыа хаһаайыстыбатын управлениета, улуустааҕы норуот айымньытын дьиэтэ, «Чуораанчык» уһуйаан, «Туйаара» уһуйаан,»Березка» уһуйаан, «Күн туллуктара» уһуйаан, улуустааҕы үөрэх управлениета, урбаанньыттар, уопсастыбаннай түмсүүлэрэ, Тааттатааҕы лесничество, авиаотделение, якутлесресурс, уонна Тыараһа эр дьоно кыттыыны ыллылар.

Бары кыттыбыт тэрилтэ үлэһиттэригэр, ыһыахтыыр ытык сирбитигэр үлэлээбиккитигэр ис сүрэхтэн барҕа махтал тылбытын тиэрдэбит. Быйыл бэс ыйын 15-16 күннэригэр Ытык Таатта ыһыаҕын иһинэн «Иис-уус, ас фест» III өрөспүүбүлэкэтээҕи этнографическай бэстибээл тэриллиэҕэ. Бастакы күн түһүлгэҕэ, иккис күн Хадаайы түмэлигэр буолуоҕа. Элбэх ыалдьыт кэлэрэ былааннанар. Түһүлгэҕэ өссө элбэх үлэ күүтэр. Күндү доҕоттоор, бу курдук биир сомоҕо буоламмыт, эһиил буолуохтаах ХXII «Манчаары оонньуутугар «бэлэмнэнэммит, үрдүк таһымнаахтык ыытыахпыт. Норуот күүһэ — көмүөл күүһэ!!!