Тааттаҕа оскуола дириэктэрин хоруупсуйаҕа буруйдаан уураттылар

Д.А.Петров аатынан Ытык Күөл 2 №-дээх оскуолатыгар борокуруор бэрэбиэркэтэ антикоррупционнай сокуону кэһии баарын быһаарда. Кэтээн көрөр биэдэмистибэ быһаарбытынан, оскуола салайааччыта урбаанньыт-кэргэнин кытта иһэр ууну тиэрдиигэ хантараак баттаспыт. Бүддьүөттэн 245 тыһ.солк. тахса харчы төлөммүт диэн СӨ Борокуратуурата иһитиннэрэр.

Оройуоннааҕы борокуратуура бу туһунан үөрэх управлениетыгар иһитиннэрбит. Итиэннэ Арбитражнай суукка дуогабардары суох оҥорор уонна харчыны төннөрөр туһунан ирдэбили ыыппыт.

Бу түмүгэр дириэктэри үөрэх тэрилтэтигэр үлэлиирин туһунан дуогабарын тохтоппуттар. Суут борокуратуура диэки буолбут.

Суут быһарыныыта сокуоннай күүһүгэр киирэ илик.