Тааттаҕа сааны сокуоннайа суох атыыласпыт эр киһи сууттанна

Таатта улууһун борокуратуурата Кыйы сэлиэнньэтин 38 саастаах олохтооҕор сыһыаннаан холуобунай дьыалатыгар судаарыстыбаннай буруйдааһынын өйөөтө. Кини РФ Холуобунай кодексатын 222-с ыстатыйатын 1-кы чааһынан (сааны сокуоннайа суохтук атыылаһыы уонна харайыы) буруйдааҕынан билинилиннэ.

Суут быһаарбытынан, бу сылтохсунньутугар сууттанааччы, сааны атыылаһар уонна харайар көҥүлэ суох сылдьан, сокуону кэһэн ТОЗ-16 мааркалаах булт харабыынын атыыласпыт. Ол саатын полиция үлэһиттэрэ былдьыахтарыгар диэри Кыйы сэлиэнньэтигэр баар чааһынай дьиэтин тиэргэнигэр турар гарааһыгар харайбыт.

Суут судаарыстыбаннай буруйдааччы этиитин учуоттаан, эр киһини 1 сыл 6 ый тургутар болдьохтоох 3 сыл болдьоххо көҥүлүн быһарга уураахтаата. Булт саата былдьанна уонна суох оҥоһуллуохтаах. Суут бириигэбэрэ сокуоннай күүһүгэр киирэ илик,  диэн СӨ Борокуратуурата иһитиннэрэр.