Тааттаҕа Саха сирин Опера уонна балет тыйаатырын  туһунан документальнай киинэ уһулаллар

Таатта улууһугар режиссер Мила Кудряшова «Тыйаатыр боотура» диэн ааттаах документальнай киинэтин устуута салҕанар. Бырайыак Д.К. Сивцев-Суорун Омоллоон аатынан Опера уонна балет тыйаатырын ис үлэтигэр ананар. Бу туһунан «Сахафильм» хампаанньа иһитиннэрэр.

Киинэ сүрүн сюжета 2022 сыл сайыныгар «Ньургун Боотур» опера-олоҥхону туруорууга бэлэмнэниигэ олоҕурар. Кэпсээн киинигэр – сүрүн дьоруой эппиэтинэстээх бас партиятын ылынар-ылбат туһунан быһаарынар солист Александр Емельянов устуоруйатыгар сытар. Устар бөлөх улуус хас да бэлиэ сиригэр номнуо үлэлээтэ: Кыйы, Чөркөөх, Ытык Күөл нэһилиэктэрэ, Былатыан Ойуунускай төрөөбүт-үөскээбит сирдэрэ, Чөркөөхтөөҕү устуоруйа-мемориал түмэлэ, «Таатта» литературнай-уус-уран түмэл-заповедник.

Киинэ айар үлэ хаамыытын эрэ буолбакка, төрүт олох-дьаһах үгэстэрин эмиэ көрдөрүөҕэ: муус ылыытын, от үлэтин, сылгы иитиитин уонна саха аһын астааһыны. Киинэни оҥорууга тыйаатыр дириэктэрэ Владислав Левочкин, хор иниспиэктэрэ Олег Беляев уонна солист Петр Бучугасов кытталлар.