https://t.me/mrtatta
Тыараһа нэһилиэгэр саҥа быраас амбулаторията үөрүүлээх быһыыга-майгыга аһылынна. Бу туһунан улуус дьаһалтата иһитиннэрдэ.
Бу күн СӨ доруобуйа харыстабылын миниистирин солбуйааччы Любовь Бурнашева, Таатта улууһун Аҕа баһылыгын социальнай боппуруостарыгар солбуйааччы Святослав Сунхалыров, улуустааҕы киин балыыһа кылаабынай бырааһа Сардаана Кононова уонна СӨ Булгуччулаах мэдиссиинискэй страховкалааһын территориальнай пуондатын дириэктэрин солбуйааччы Прокопий Дьячковскай олохтоохторго, балыыһа коллективыгар өр күүппүт үтүө күннэрэ үүммүтүнэн —балыыһа саҥа дьиэтэ үлэҕэ киирбитинэн истиҥник эҕэрдэлээтилэр.
Үөрүүнү үрдэтэн тыл этээччилэр саҥа балыыһа дьиэтин тутуспут, үлэлэспит дьоҥҥо уонна балыыһа коллективын үлэһиттэригэр анал бэлиэлэри, махтал суруктары туттардылар.
Саҥа сиргэ саҥа тутуу куруутун тупсаҕай буоллун диэн кэлбит ыалдьыттар, бэтэрээн үлэһиттэр оскуола оҕолоро көмөлөһөөччүлээх хатыҥнары олордон үйэтиттилэр.
Түмүккэ, балыыһа бырааһа Дальяна Сунхалырова, биэлсэр Анастасия Бучугасова коллектив аатыттан махтал тыллары эттилэр, көмөлөрүн иһин бэлэх туттардылар диэн улуус дьаһалтатын телеграмыгар суруйдулар.
Абхазияҕа ааспыт нэдиэлэттэн өрө туруу баран, бэрэсидьиэннэрин быыбара болдьоҕун иннинэ ыытыллар буолла. Сэтинньи 15 күнүгэр…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа, хотугулуу-арҕаа улуустарыгар, Өлүөнэ…
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…