Хаартыскаҕа Андрей Сорокин түһэриитэ, СИА
«Биһиги сыалбыт: дойдубут хас биирдии эрэгийиэнигэр, олор ортолоругар кыра куораттарга уонна бөһүөлэктэргэ, дьон-сэргэ үрдүк таһымнаах аныгы мэдиссиинэ көмөтүн ылалларыгар туһуланар», – диэн РФ Бэрэсидьиэнэ Владимир Путин иһитиннэрбит.
Ытык Күөлгэ аһыллыбыт саҥа поликлиника нэһилиэнньэ хаачыстыбалаах мэдиссиинэ көмөтүнэн туһанарыгар көмөлөһүөҕэ. Саха сирэ Уһук Илиҥҥэ оҕо төрөөһүнүгэр инники күөҥҥэ сылдьар. Таатта улууһун көрдөрүүтэ Саха сирин орто көрдөрүүтүттэн — 17% үрдүк. Ааспыт сылга Тааттаҕа 200 тахса оҕо төрөөбүтэ.
«Биһиги улууспут оҕо төрөөһүнүгэр үрдүк көрдөрүүлээх. Оройуон 16 тыһыынчаттан тахса нэһилиэнньэлээх. Олортон 4, 5 тыһыынчата — оҕолор. Саҥа үлэҕэ киирбит поликлиника улууспут олохтоохторугар хаачыстыбалаах көмөнү оҥоруоҕа. Оҕо поликлиникатын сулууспата аныгылыы тэрилинэн, диагностикалыырга уонна үрдүк таһымнаах эмтэниини ааһарга туһуламмыт», — диэн улуус сүрүн бырааһа Сардаана Кононова бэлиэтээтэ.
СӨ Ил Дархана Айсен Николаев өрөспүүбүлүкэ аатыттан Арассыыйа Бэрэсидьиэнигэр кыһамньытын уонна өйөбүлүн иһин махтанна.
«Поликлиника аныгы тиэхиньикэнэн толору. Манна көмпүүтэринэй томограф баар. Национальнай быраыактар өҥөлөрүнэн улуус поликлиникаларыгар баар буоллулар. Саха сиригэр бүтэһик сылларга бөдөҥ мэдиссиинэ кииннэрэ тутуллаллар. Ол курдук Кардиологическай уонна Перинатальнай кииннэр. Ону таһынан Онкологическай киин тутулла турар. Кэлиҥҥи кэмҥэ Саха сиригэр 65 биэлсэр-акушер пууннара уонна амбулаторнай балыыһалар уһук нэһилиэктэргэ тутуллаллар. Биир кэмҥэ доруобуйа харыстабылыгар сыһыаннаах 14 эбийиэк тутуллан 2026 сылга диэри үлэҕэ киириэхтээх», – диэн Ил Дархан Айсен Николаев бэлиэтиир.
Таатта улууһун поликлиниката – өрөспүүбүлүкэҕэ тыа сиригэр тутуллубут мэдиссиинэ бөдөҥ эбийиэктэриттэн биирдэстэрэ буолар.
«Биир кэмҥэ маннык элбэх мэдиссиинэ тэрилтэлэрэ өрөспүүбүлүкэ оройуоннарыгар тутуллубуттара устуоруйаҕа суоҕа. Бу тутуулар бары аныгы тэрилинэн толорулар, киин сирдэр балыыһаларыттан итэҕэһэ суохтар. Хара саҕаланыаҕыттан балыыһа тутуута мин тус хонтуруолбар сылдьыбыта. Биһиги туруоруммут сорукпутун ситистибит. Бу поликлиника өрөспүүбүлүкэҕэ мэдиссиинэ бастыҥ тэрилтэтинэн буолуоҕа», – диэн бэлиэтээтэ Ил Дархан.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…