Тааттаҕа сүппүт оҕо өлүгүн буллулар

Бэҕэһээ, атырдьах ыйын 6 күнүгэр, киэһэ хойут Таатта улууһун Ытык Күөлүгэр биэс саастаах кыыс оҕо өлүгүн буллулар.

СӨ Быыһыыр сулууспата СИА-ҕа иһитиннэрбитинэн, кыысчаан күнүс 12:30 чаас диэки дьиэтиттэн тахсыбыт уонна төннүбэтэх. Кинини сүүсчэ киһи көрдөөбүт: быраабы араҥаччылыыр уорганнар, оройуон дьаһалтатын үлэһиттэрэ, быыһааччылар уонна волонтердар.

Киэһэ 23:55 чааска кыыс оҕо өлүгүн Таатта үрэхтэн буллулар. Барыллаан дааннайдарынан, оҕо тимирэн өлбүт. Силиэстийэлиир кэмитиэт силиэстийэлиир тэрээһиннэри ыытар.