Тааттаҕа сүппүт оҕону буллулар

Тааттаҕа бэҕэһээ, от ыйын 29 күнүгэр, киэһэ 13 саастаах оҕо сүппүтүн туһунан иһитиннэрии полицияҕа киирбитэ. Уолу бүгүн Туора Күөл сэлиэнньэтиттэн 10 км тэйиччи сытар сиртэн буллулар.

Бииргэ төрөөбүт уолаттар оттуу барбыттар. Оттон бу 2011 с.т. уол Туора Күөл диэки суотабай сибээс хаптара барбыт уонна биллибэтэх. Кинини аймахтара, олохтоох дьон уонна СӨ Быыһыыр сулууспатын быыһааччылара көрдөөбүттэр, алаастары кэрийбиттэр.

Уолу бүгүн сарсыарда 4 чаас диэки окко олорорун булбуттар. Түүн буолан, оҕо утуйан хаалбыт.

Манна биллибитинэн, уол бэйэтин кытта төлөпүөнэ суох эбит. Пневматическай саалаах уонна матассыыкыллаах эбит, бултуур санаалаах барбыт быһыылаах диэн СӨ Быыһыыр сулууспатын пресс-сулууспата иһитиннэрэр.

Уол доруобуйата этэҥҥэ, аймахтарыгар тикcэрилиннэ диэн быыһааччылар бөлөхтөрүн салайааччы Павел Попов иһитиннэрбит.