Тааттаҕа тоҕус тыһыынчаттан тахса киһи доруобуйатын көрдөрбүт

Ааспыт сылга сэтинньигэ Таатта улууһугар Ытык Күөлгэ 4 тыһ. кв.м. иэннээх саҥа удахан поликлиника үлэҕэ киирбитэ. Тутуу «Доруобуйа» национальнай бырайыагынан тутуллубута.

Аныгы тэрилинэн хааччыллыбыт саҥа балыыһаҕа сыл саҕаланыаҕыттан флюорографияҕа, рентген аппараакка, о.д.а. тэриллэргэ 9 тыһ. тахса киһи доруобуйатын көрдөрдө диэн СӨ доруобуйа харыстабылын министиэристибэтин саайтыгар суруллар. Маны сэргэ, 800-тэн тахса киһи нэһилиэгиттэн ханна да барбакка, көһө сылдьар ФЛГ аппараакка көрдөрбүт.

—Алта ый устатыгар 19 искэннээх киһи баара булуллубута, итинтэн аҥаардара профилактическай көрдөрүү кэмигэр быһаарыллыбыттара. Маны сэргэ, биллэн турар, аныгы диагностикалыыр тэриллэр көмөлөрө улахан, — диэн бэлиэтээбит балыыһа кылаабынай бырааһа Сардаана Кононова. Аныгы аппарааттар туһаларын поликлиника быраастара эмиэ бэлиэтээбиттэр.

СӨ доруобуйа харыстабылын министиэристибэтин пресс-сулууспата