Тааттаҕа тыраахтар кабинатыттан оҕо сууллан, көлүөһэ анныгар киирэн биэрбит

Тааттаҕа 11 саастаах оҕо айаннаан иһэр тыраахтар кабинатыттан сууллан, кэлин көлүөһэ анныгар киирэн биэрбит. Быһылаан түмүгэр оҕо элбэх эчэйиини ылла диэн СӨ Госавтоинспекцията иһитиннэрэр.

Барыллаан дааннайынан, бэс ыйын 12 күнүгэр 14:50 чаас саҕана «DF-304» тыраахтар суоппара Егоров уул. айаннаан испит. Кинини кытта кабина хаҥас өттүгэр туран эрэ сааһын ситэ илик оҕо  айаннаабыт. Дулҕалаах суолга оҕо алҕаска хаҥас илиитинэн ааны арыйан, кабинаттан сууллан, тыраахтар хаҥас кэлин көлүөһэтин анныгар түспүт.

Саахал түмүгэр оҕо тааһын уҥуоҕун, атаҕын эчэппит.

Бэрэбиэркэ кэмигэр биллибитинэн, тыраахтар суоппара маннык тырааныспары ыытар бырааба суох эбит. Бэрэбиэркэ салҕанар.