Тааттаҕа тырааныспар министиэристибэтин салалтата тутуу, өрөмүөн ыытыллар сирдэрин билистэ

Бэҕэһээ, муус устар 8 күнүгэр, бу сайын ыытыллыахтаах Манчаары оонньууларыгар бэлэмнэниини көрө-истэ СӨ тырааныспарга уонна суол хаһаайыстыбатыгар министиэристибэтин салайааччылара Таатта улууһугар  сырыттылар. 

Улуус баһылыгын э.т.  Руслан Захаров, Таатта улууһугар  Манчаары оонньууларын дириэксийэтин салайааччы Петр Захаров, СӨ тырааныспарга  уонна суол хаһаайыстыбатыгар миниистири бастакы солбуйааччы Анатолий Потапов, СӨ тырааныспарга  уонна суол хаһаайыстыбатыгар министиэристибэтин департаменын, Саха сирин суолларын управлениетын, Баһылай Манчаары аатынан  төрүт оонньуулар кииниттэн эппиэттээх салайааччылар уонна исписэлиистэр,“Тааттаавтодор” тэрилтэ генеральнай дириэктэрэ Иван Бочонин  тутуу, өрөмүөн бара турар уонна ыытыаллыахтаах сирдэрин, эбийиэктэрин бүгүҥҥү  туруктарын кытта билистилэр.

Ол курдук, Октябрьскай нэһилиэккэ Таатта үрэҕи туоруур муостаны, Ытык Күөлгэ ипподрому, Ньургун Боотур аатынан стадиону, тутулла турар муосталары көрдүлэр. Тэрээһин буолар күннэригэр ханнык уулуссалар сабыллыахтарын сөбүн дьүүллэһии эмиэ буолла. Бу туһунан улуустааҕы дьаһалта телеграм-ханаала сырдатта.