Хаартыска: СӨ Баһаартан сэрэхтээх буолуу сулууспатын пресс-сулууспата
Бу сарсыарда 06:12 ч Таатта улууһун Ытык Күөлүгэр Кулаковскай аатынан уулуссаҕа чааһынай маҕаһыын умайда.
Баһаар тахсыбытын түмүгэр быһа холоон быһаарыынан биир киһи уокка өллө диэн СӨ Судаарыстыбаннай баһаарынай сулууспатын пресс-сулууспата иһитиннэрэр.
Баһаар буолбут иһитиннэриитэ киирээтин кытта 1 км сиргэ баһаарынай чаас дьуһуурунай этэрээтэ тиийбит. Баһаарынайдар тиийэллэригэр хочуолунай үрдэ бүтүннүү аһаҕас уотунан умайа турбут.
Биир чаас иһигэр баһаары умуруорбуттар.
Киһи өлүүлээх баһаар 2014 с. тутуллубут, 7*8 иэннээх, 3*4 иэннэээ эбии тутуулаах, оһоҕунан оттуллар, маҕаһыын быһыытынан туһаныллар дьиэҕэ тахсыбыт.
Баһаар түмүгэр 68 кв.м иэннээх дьиэ ис өттө бүтүннүү умайда. Быһылаан тахсыбыт сириттэн киһи өлүгүн сорох чааһа булулунна, аймахтара эппиттэринэн, маҕаһыын хочуолунайыгар 1960 с.т. киһи хачыгаарынан үлэлии сылдьыбыт. Баһаары умуруорууга 16 киһи уонна 3 тиэхиньикэ үлэлээбит.
Быһылаан тахсыбыт чахчытынан силиэстийэлиир-суһал бөлөх үлэлиир. Баһаар туохтан тахсыбыт биричиинэтэ, буруйдаах уонна хоромньу быһаарыллар.
Ахсынньы 13 күнүнээҕи туругунан сымыыт былырыыҥҥы кээмэйин -- 97,7 мөл устууканы ыллылар. Сыл бүтүөр диэри…
Күүтүүлээх-кэтэһиилээх, биэс күн устата барбыт долгутуулаах Бүтүн Арассыыйатааҕы “Сыл учуутала-2024” күрэс Саха сиринээҕи түһүмэҕэ түмүктэннэ.…
2014 сыллаахха СӨ Култуураҕа уонна духуобунай сайдыыга министиэристибэтин Гранынан, оччотооҕу миниистир Андрей Борисов өйөөһүнэн, маастардар…
Дьокуускай олохтооҕо түөкүттэр угаайыларыгар киирэн биэрэн, 300 тыһыынча солкуобай кэриҥэ харчытыттан мэлийбит. Дьокуускайга 2 №-дээх…
Бэйэбитин көрүнүөҕүҥ, доруобуйабытыгар туһалааҕы оҥостуоҕуҥ. Ытыстары бэйэ-бэйэлэригэр аалан сылытыллар уонна сырдык киирбэтин курдук тарбахтары бэйэ-бэйэлэригэр…
Икки күн устата ыытыллыбыт "Биисинэс-Экспо 2024" Саха сирин урбаанньыттарын, бэйэ дьыалатынан дьарыктанар дьону түмэр, көҕүлүүр…