С.Баснаева хаартыскаҕа түһэриитэ
Тааттаҕа «Манчаары оонньууларын» көрсө бэлэмнэнии үлэлэр күүһүрэллэр. Ый бүтүүтүгэр барыта оҥоһуллан, тупсарыллан түмүктэниэхтээх диэн сыаллаахтар-соруктаахтар.
Бэлиэтээн эттэххэ, күрэхтэһиилэр ыытыллыахтаах, ыраахтан кэлбит ыалдьыттар, спортсменнар түһүөхтээх сирдэринэн түбүк-садьык, үлэ-хамнас күннэтэ оргуйан олорор. Бу далааһыннаах тэрээһининэн улууска сүрүн тутууларынан стадион, успуорт дыбарыаһа, А.Е.Мординов аатынан Таатта лиссиэйэ буолаллар. Санатан аастахха, лиссиэй ахсынньыга үлэҕэ киирбитэ. Онтон күрэхтэһии ыытылларыгар, кэлин дьон-сэргэ успуордунан, физкултууранан дьарыктанарыгар анаммыт успуорт дыбарыаһа уонна стадион бу ый бүтүүтэ олоччу түмүктэниэхтээхтэр. Маны сэргэ, Саһыл Уйалаах ипподрома ситэриллэр-хоторуллар. Билиҥҥи туругунан, үлэ-хамнас манна 95% бэлэм.
Суруналыыстар, спортсменнар, ыраахтан кэлбит ыалдьыттар сорохторо лиссиэйгэ түһүөхтээхтэр. Быһа барыллаан, манна 750 киһини түһэрэргэ суоттаналлар. Саҥа кыһаҕа суруналыыстар үлэлииллэригэр анаан икки хос бэриллэр, пресс-киин. Манна интэриниэт холбонуохтаах, быһата үлэлиир усулуобуйаны барытын тэрийэр соруктаахтар.
Ыалдьыттар аһыыр остолобуойдара эмиэ манна буолар. Саҥа тутуу остолобуойа киэҥ-куоҥ, элбэх киһи киирэр. Ыалдьыттар аһаары кэтэһэн уочараттаабаттарын, бириэмэлэрин ыыппаттарын курдук, остолобуойга үлэҕэ ити күннэргэ элбэх киһини көмөлөһүннэриэхтээхтэрин этэллэр.
Лиссиэй туһунан кылгастык эттэххэ, бу кыһа «Үөрэх» национальнай бырайыак иитинэн Ытык Күөлгэ тутуллубута. Манна 480 оҕо үөрэнэр. Маны сэргэ 100 миэстэлээх интэринэт баар. Манна киэҥ-куоҥ тупсаҕай кылаастар, бэртээхэй саалалар, бибилэтиэкэ болҕомтону тардаллар.
Ааптар хаартыскаларга түһэриитэ
Бүгүн Чурапчы улууһун Мындаҕаайы нэһилиэгэр үөрүүлээх быһыыга-майгыга оҕолор сайыҥҥы сынньалаҥнарын «Кустук» лааҕыра аһылынна. Бу туһунан…
Бэс ыйын 18 күнүгэр Саха сиринээҕи Быыбар киин хамыыһыйата муниципальнай быыбардары анааһына салҕанар. Быыбар киин…
Манчаары оонньууларыгар таатталар эппиэтинэстээхтик бэлэмнэнэн, араас хайысхалаах үлэни көхтөөхтүк ыыталлар. Улуустааҕы дьаһалта пресс-сулууспата иһитиннэрбитинэн, улуус…
Санкт-Петербург куоракка норуоттар икки ардыларынааҕы экэнэмиичэскэй пуорум чэрчитинэн Саха сиригэр автономнай (гибриднэй) энергетическай комплекстары оҥорон…
Бырабыыталыстыба бэрэссэдээтэлин бастакы солбуйааччы Дьулустаан Борисов Уһук Илин федеральнай уокуругар киирэр эрэгийиэннэр экэнэмиичэскэй кииннэрин социальнай…
2027 сылга Дьокуускайга дойду Бэрэсидьиэнэ Владимир Путин сорудаҕынан элбэх өҥөнү оҥорор киинэ павильона арыллыаҕа. Сүрүн…