Тааттаҕа үс киһи эчэйиилээх суол быһылаана таҕыста

Бүгүн, от ыйын  4 күнүгэр,  4 чаас  30 мүнүүтэҕэ Ис дьыала министиэристибэтин Тааттатааҕы отделын дьуһуурунай чааһыгар  икки чаас анараа өттүгэр суол саахала тахсыбытын туһунан иһитиннэрии киирбит.

Барыллааһын быһыытынан  Ытык Күөлгэ Ойуунускай уулуссатынан эргииргэ ТОЙОТА ИСТ суоппара  (иннинээҕи көлүөһэтэ тэстибит) уруулун кыайан туппакка,  суолтан тахсан, салгыы түҥнэстибит.  Бу кэмҥэ массыынаҕа үс пассажир баар эбит (бары курданан олорбуттар). Суол  быһылаанын түмүгэр,  араас эчэйиини ылан   олохтоох балыыһаҕа суоппар уонна сокуоннай сааһын ситэ илик пассажир киирбиттэр, биир киһи   амбулаторнай эмтэниини ааһар.